რიო-დე-ჟანეიროში ნარკორეალიზიის წინააღმდეგ დაგეგმილ სპეცოპერაციაში 25 ადამიანი დაიღუპა, მათ შორის ერთი პოლიციელი იყო. BBC ინფორმაციას ადგილობრივ, ბრაზილიურ მედიებზე დაყრდნობით ავრცელებს.

პოლიციის ხელმძღვანელმა, რონალდო ოლივიერმა განაცხადა, რომ რიოში ჩატარებული სპეცოპერაციებიდან გარდაცვლილთა რაოდენობით ეს ყველაზე მსხვილია.

ადგილობრივი მედიის ინფორმაციით, ბანდა, რომლის წინააღმდეგაც პოლიციელები მოქმედებდნენ, ნარკოტიკების უკანონო რეალიზაციის, ძარცვებში, გატაცებებსა და მკვლელობშია შემჩნეული. პოლიციის განცხადებით, რეიდი მას შემდეგ დაიწყეს, რაც ნარკორეალიზაციაში არასრულწლოვნების ჩართვაზე ინფორმაცია მიიღეს.

სპეცოპერაციის ამსახველ კადრებს მოქალაქეები სოციალურ ქსელებში ავრცელებდნენ. BBC-ის ინფორმაციით, ერთ-ერთმა მოქალაქემ სისხლით მოსვრილი იატაკის ფოტო გაავრცელა და თქვა, რომ კრიმინალების დევნისას მის სახლში ორი ადამიანი დაიღუპა.

დაშავებულთა შესახებ ინფორმაცია უცნობია. თუმცა გვარცელდა ინფორმაცია, მეტროს მატარებელში ორი მგზავრი ტყვიით დაშავდა, მაგრამ მათ სიცოცხლეს საფრთხე არ ემუქრება.

როგორც BBC წერს, ბრაზილიურ პოლიციას სპეცოპარეციის ჩატარებისას ძალის გადამეტებაში ხშირად ადანაშაულებენ. გასული წელს სასამართლომ გამონაკლისების გარდა ფაველებში სპეცოპერაციების ჩატარება აკრძალა.

რიოს სახელმწიფო უნივერსიტეტში ძალადობის ანალიზის ლაბორატორიის სოციოლოგი, იგნასიუ კანუ ამბობს, რომ ბოლო ოპერაციისთვის პოლიციას საპატიო მიზეზი არ ჰქონია, რადგან ბანდები ნარკორეალიზებისთვის დიდი ხანია იყენებენ და ეს ყველასთვის ცნობილია. მისი შეფასებით, მასშტაბური რეიდის დაწყებისთვის მსგავსი მიზეზი "სასაცილოა".