დაახლოებით 20 000 ადამიანს შორის ერთი ალბინიზმის სახელით ცნობილი თანდაყოლილი გენეტიკური ნიშნით იბადება. ამ დროს ადამიანის (ალბინიზმი ასევე გვხდება ცხოველებსა და მცენარეებშიც) კანს, თმას და თვალის ფერად გარსს პიგმენტაცია (ორგანოთა ქსოვილებში შემავალი ფერადი ნივთიერებები) არ აქვს.

მიუხედავად იმისა, რომ დღეს საკმაოდ მარტივია ნებისმიერი თემის შესახებ სანდო ინფორმაციის მოძიება, სხვადასხვა კულტურაში კვლავ არსებობს სტიგმა და დამაზიანებელი სტერეოტიპული წარმოდგენები ამ თანდაყოლილი ნიშნის შესახებ. მსგავსი არასწორი შეხედულებების მსხვერპლი გახდა შიელი ებინგიც.

შიელი 16 წლის წინ ჩინეთში დაიბადა, სადაც ზოგიერთ ადამიანს სჯერა, რომ ალბინოსი ბავშვი უიღბლობის მომტანი და წყევლის ნიშანია. ალბათ, სწორედ ამის გამო ჯერ კიდევ სულ ჩვილი მშობლებმა ის ბავშვთა სახლის კართან დატოვეს.

საბედნიეროდ, როცა სამი წლის იყო, ის ევროპელმა წყვილმა იშვილა და ნიდერლანდებში გაიზარდა ახალ მოსიყვარულე დედასთან და დასთან ერთად. შიელის უნიკალურმა გარეგნობამ მალე მიიქცია ბევრის ყურადღება, ოღონდ არა, როგორც "წყევლამ": 11 წლის ასაკში მან ფოტომოდელობა დაიწყო, ახლა კი უკვე ისეთ ცნობილ გამოცემებთანაც თანამშრომლობს, როგორიც Vogue-ია.

შიელი ებინგი მუდმივად ცდილობს ყველა პლატფორმა ალბინიზმთან დაკავშირებული ცნობადობის ასამაღლებლად გამოიყენოს და განსხვავებული გარეგნული ნიშნის მქონე სხვა ადამიანებიც დაარწმუნოს, რომ მათი უნიკალურობის კი არ უნდა რცხვენოდეთ, არამედ ამით უნდა იამაყონ.

ამის კიდევ ერთხელ დასადასტურებლად შიელის რამდენიმე შთამბეჭდავ ფოტოს გთავაზობთ.

#1

ფოტო: ROB JANSEN

#2

ფოტო: Gemmy Woud-Binnendijk

#3

ფოტო: ninajulietta / Instagram

#4

ფოტო: Gemmy Woud-Binnendijk

#5

ფოტო: Gemmy Woud-Binnendijk

#6

ფოტო: BIEL CAPLLONCH

#7

ფოტო: K A A T S T I E B E R / Instagram

#8

ფოტო: Jonathan Knowles / Instagram

#9

ფოტო: Lux Visual Storytellers / Instagram

#10

ფოტო: Jonathan Knowles