თბილისში უხვი ნალექის გამო 112-ში 100-მდე შეტყობინება შევიდა. საგანგებო სიტუაციების მართვის სამსახურში აცხადებენ, რომ ზარები ძირითადად საცხოვრებელი სახლების სარდაფების, ეზოებისა და ქუჩების დატბორვას ეხებოდა.

უწყების ინფორმაციით, მუშაობს 20-მდე სახანძრო-სამაშველო ჯგუფი. საგანგებო სიტუაციების მართვის სამსახურში დაშავებულების შესახებ ინფორმაცია არ ფიქსირდება.

ძლიერო წვიმის გამო დიდ დიღომში ქუჩები წყლით დაიფარა და გარკვეული პერიოდის განმავლობაში გადაადგილება რთულდებოდა. წვიმის კლების შემდეგ კი წყლის დონემაც იკლო.