ნაციონალური მოძრაობის თავმჯდომარის, ზაალ უდუმაშვილის განცხადებით, პარლამენტის თავმჯდომარის პოსტზე არჩილ თალაკვაძის კახა კუჭავათი შეცვლას არანაირი აზრი არ აქვს.

"ერთი პარტიული ადამიანი შეცვლის მეორე პარტიულ ადამიანს, რა ნეიტრალობაზე გვესაუბრებიან", — ასე გამოეხმაურა ის TV პირველთან საუბრისას თალაკვაძის გადადგომას.

დღეს, 24 აპრილს არჩილ თალაკვაძემ განაცხადა, რომ პარლამენტის თავმჯდომარის თანამდებობას ტოვებს. წასვლის მიზეზად ის დაასახელა, რომ აქტიურად იყო ჩართული მოლაპარაკებების პროცესში როგორც მხარე, პარლამენტის სპიკერი კი მიუკერძოებელი უნდა იყოს.

"ახლა, როცა პარლამენტში წარმომადგენლობითი ოპოზიცია გვყავს, ვთვლი, რომ ჩემი ადგილი დარბაზშია, კოლეგების გვერდით და არა სპიკერის პოზიციაზე", — განაცხადა მან ბრიფინგზე.

ქართული ოცნების თავმჯდომარემ, ირაკლი კობახიძემ ხაზი გაუსვა იმ ფაქტს, რომ თალაკვაძემ ეს გადაწყვეტილება თავად მიიღო. პარლამენტის თავმჯდომარეობის კანდიდატად მან კახა კუჭავა წარადგინა და აღნიშნა, რომ თალაკვაძე ვიცე-სპიკერი გახდება.

ამავე თემაზე: