ლეიბორისტული პარტიის თავმჯდომარის, შალვა ნათელაშვილის განცხადებით, ოპოზიციასთან შეხვედრაზე სხვა საკითხებთან ერთად ბიძინა ივანიშვილისა და მისი გარემოცვისთვის პერსონალური სანქციების დაწესების მოთხოვნაზე იმსჯელეს. მისი თქმით, ისინი სათანადო პროექტს შეადგენენ, რასაც ამერიკის სახელმწიფო დეპარტამენტსა და ევროკავშირს წარუდგენენ.

"ჩვენ ვიმსჯელეთ იმ საკითხზე, რომ დადგა დრო მივმართოთ სახელმწიფო დეპარტამენტს, ევროპის კავშირის ბიძინა ივანიშვილისა და მისი გარემოცვისათვის პერსონალური სანქციების დაწესებაზე, რაც მიმდინარე პოლიტიკური კრიზისის დააჩქარებს ცივილიზებულად და სამართლიანად. თუნდაც იმით, რომ ეს მიტაცებული მილიონები ჩვენგან წაღებული იქნება გაყინული და მერე დაბრუნებული საქართველოს ბიუჯეტში. სწორედ ამ საკითხზე შედგება სათანადო პროექტი, რასაც წარვუდგენთ მსოფლიო თანამეგობრობას", — განაცხადა ნათელაშვილმა.

ნათელაშვილის თქმით, ლეიბორისტული პარტიის ოფისში ოპოზიციური პარტიების შეხვედრაზე 15 მაისს დაგეგმილი აქციის შესახებაც ისაუბრეს.