ნამახვანჰესის აშენების მოწინააღმდეგე აქტივისტები, რომლებიც პროტესტს რიონის ხეობაში მართავდნენ, ქუთაისში მთავრობის წარმომადგენლებთან შესახვედრად მიდიან.

"ახლა, 7-ის ნახევარზე დაიდო ინფორმაცია პირველი არხის, საზოგადოებრივი მაუწყებლის ვებ-გვერდზე, სადაც ნათქვამია, რომ პრემიერის ბრძანებით გამოგზავნილი არიან დეპუტატები მუნიციპალიტეტის შენობაში ქუთაისში. ანუ გუბერნატორები და დეპუტატები ჩვენთან სასაუბროდ. მიუხედავად იმისა, რომ ჩვენ აქ ვართ 24/7 რეჟიმში და ჩვენ არავისთან საუბრის და შეხვედრის პრობლემა თავისთავად ცხადია, არ გვაქვს. უბრალოდ გვინდა დავაფიქსიროთ, რომ სასურველი იყო, როცა ასეთი ტიპის შეხვედრა იგეგმება, ცოტა დროულად გაგვაგებინონ ჩვენც და 5 წუთით ადრე შემთხვევით არ გავიგოთ ვებ-გვერდიდან. ეს მნიშვნელოვანია და იმიტომ ვამბობ ამ ყველაფერს, მაგრამ ჩვენ რადგან გაკეთდა საპატრიარქოს მხრიდან მოწოდება მხარეების მისამართით, რომ შედგეს კიდევ ერთხელ დიალოგი და ეს მნიშვნელოვანია, მივესალმებით ჩვენის მხრივ საპატრიარქოს ამ განცხადებას, ვაპირებთ, რომ დავიძრათ ქუთაისში, მუნიციპალიტეტის შენობასთან და შევხვდეთ მათ", — განაცხადა აქტივისტმა ვარლამ გოლეთიანმა.

გოლეთიანი აღნიშნავს, რომ მათთვის მნიშნელოვანია შეხვედრა იყოს საჯარო.

"ხალხი დადგება მუნიციპალიტეტის შენობასთან გარეთ. ჩვენ, წარმომადგენლები შევალთ. აუცილებლად გადავიღებთ შეხვედრას ჩვენი გადამღები საშუალებით, რომ შემდეგ არ მოჰყვეს დამატებითი სპეკულაცია კიდევ იმას, რომ რა ითქვა იქ, ფრამეზე ხომ არ შეთანხმდა, მორიგა იოქ საზოადოებისგან გვერდის ავლით. ამიტომ, ჩვენი პირდაპირი მოთხოვნაა, ძირითადად, რომ მედიისთვის იყოს თავისუფალი.

ჩვენ ვთხოვთ მათ, რომ თქვენთვისაც [მედიისთვის] ხსნილი იყოს ეს შეხვედრა. ჩვენ არანაირი შეზღუდვა არ გავქვს ამ მიმართულებით და მოხარული ვიქნებით, თუ თქვენც გექნებათ დასწრების საშუალება. ჩვენ, იმ შემთხვევაში არ დავესწრებით ამ შეხვედრას, თუ ჩვენი სატელეფონო საშუალებით, ვიდეოს გადაღების უფლება, მინიმუმ, არ მოგევცემა ამ შეხვედრაზე, რომ დაზღვეული ვიყოთ შემდგომი სპეკულაციებისგან", — აცხადებს ვარლამ გოლეთიანი.

დღეს ცნობილი გახდა, რომ საქართველოს პრემიერმინისტრის, ირაკლი ღარიბაშვილის დავალებით, ქუთაისში იმყოფებიან მთავრობის ადმინისტრაციის რეგიონებთან ურთიერთობის დეპარტამენტის უფროსი და ორი გუბერნატორი, რომლებიც მზად არიან აქციის მონაწილეებთან დიალოგის გასაგრძელებლად.

მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი, სახელმწიფო რწმუნებულები იმერეთისა და რაჭა-ლეჩხუმ ქვემო სვანეთის მხარეში, ზვიად შალამბერიძე და პარმენ მარგველიძე, ასევე უმრავლესობის დეპუტატები, იმერეთის რეგიონში სახელმწიფო რწმუნებულის ადმინისტრაციაში იმყოფებიან და მზად არიან, მოუსმინონ აქციის მონაწილეებს და განაგრძონ მათთან დიალოგი", — ნათქვამია განცხადებაში.

საპატრიარქოს მხრიდან მხარეებისთვის დიალოგისკენ მოწოდების შემდეგ ეკონომიკისა და გარემოს დაცვისა და სოფლის მეურნეობის სამინისტრო ნამახვანჰესის წინააღმდეგ საპროტესტო აქციების ორგანიზატორებს ყველა სადავო საკითხის დიალოგის რეჟიმში განხილვისკენ მოუწოდა. მათი განცხადებით, საპროტესტო აქციის მონაწილეების მიერ დაყენებული მოთხოვნების კატეგორიული ტონი, დიალოგისა და პოზიციათა დაახლოებისთვის ადგილს არ ტოვებს.

რიონის ხეობაში პროტესტი გრძელდება. აქტივისტების მოთხოვნები უცვლელია. 12 აპრილს სოფელ გუმათში გამართული საპროტესტო აქციის დროს დაპირისპირება იყო აქტივისტებსა და პოლიციას შორის. მას შემდეგ, რაც აქტივისტები პოლიციამ სოფელ ნამოხვანისკენ არ გაუშვა, მათ მანქანებით მსვლელობა მოაწყვეს ქუთაისისკენ.

"ხელისუფლებამ ისინი [პოლიციელები] აქცია მხოლოდ დავალებების შემსრულებლად და უბედურება ის არის, რომ დავალება არის უკანონო, უსამართლო და ადამიანების შეურაცხმყოფელი", — ამბობს აქტივისტი მაკა სულაძე TV პირველთან საუბარში.

საპროტესტო აქციების ერთ-ერთი ლიდერის, ვარლამ გოლეთიანის განცხადებით, თუ მათ არ ექნებათ პროტესტის მშვიდობიანად გაგრძელების შესაძლებლობა სოფელ ნამახვანში, პროცესი დადაქალაქში გადაინაცვლებს.

ნამახვანისკენ გზა პოლიციას მას შემდეგ აქვს ჩაკეტილი, რაც 11 აპრილს, სოფელში აქტივისტების საპროტესტო კარვების დაშალეს. იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის დირექტორმა, სულხან თამაზაშვილმა აქტივისტებს განუმარტა, რომ პოლიცია უზრუნველყოფდა კარვებისა და სხვა ინვენტარის გადატანას იქ, სადაც აქცია გაგრძელდებოდა, მაგრამ "სპეციალური საპოლიციო ღონისძიებების" გამო კარვები ნამახვანში ვერ გაიშლებოდა.

აქტივისტები აცხადებენ, რომ მას შემდეგ, რაც პოლიციამ სოფელ ნამახვანში მათი კარვები დაშალა, ჰესის მშენებელმა კომპანია ENKA-მ ის ტერიტორია გადახნა. ENKA-ში აცხადებენ, რომ აღნიშნული ტერიტორია 2019 წლიდან ნამახვანჰესის პროექტის საკუთრებაა.

გაიგეთ მეტი: