ნამახვანჰესის მშენებლობის მოწინააღმდეგე აქტiვისტები ამ წუთებში ქუთაისში არიან შეკრებილები. აქცია-მსვლელობა გუმათჰესის მიმდებარე ტერიტორიიდან 16:00 საათისთვის დაიწყო ქუთაისის ცენტრალურ მოედანზე გადაინაცვლა.

აქციის ერთ-ერთი ლიდერის, ვარლამ გოლეთიანი თქმით, ისინი დღეს ღამე ქუთაისში დარჩებიან და ქალაქის ცენტრალური მოედნის პიკეტირებას მოახდენენ.

ფოტო: ანა ვახტანაგაძე/On.ge

"გავათენოთ აქ, გვქონდეს პიკეტირებული მოედანი და უბრალოდ გავხდეთ უპრეცედენტო პროცესის მონაწილეა, თითოეული ჩვენგანი. ეს იქნება ქმედება, რომელიც გააოცებს მსოფლიოს და დაანახებს ჩვენს მაღალ სულიერ და ზნეობრივ სახეს ყველას, ჩვენ ხელისუფლების ჩათვლით. ყველა მიხვდება და თუ ვერ მიხვდება, შემდგომი ნაბიჯებით მივახვედრებთ, რომ ისინი ჩვენ წინაშე უძლურები არიან. ძალა გამოიყენონ მათ, ძალის გამოყენება ჩვენ არ გვჭირდება. ჩვენი ძალა არის ჩვენი ერთობა", — განაცხადა ვარლამ გოლეთიანმა.