ნამახვანჰესის პროექტზე საუბრისას ეკონომიკის მინისტრი, ნათია თურნავა ამბობს, რომ კვლავაც მზად არიან ნებისმიერ ჯგუფს შეხვდნენ. მინისტრი აღნიშნავს, რომ ეს არ უნდა იყოს შეხვედრა შეხვედრისთვის.

"ეს უნდა იყოს შეხვედრა იმისთვის, რომ ერთად ვიმსჯელოთ, რა კითხვები დარჩათ მათ მას შემდეგ, რაც ძალიან მნიშვნელოვანი გადაწყვეტილებები იქნა მიღებული, რომ კაშხლის მშენებლობა გადაიდო და ყველა კვლევა გაიხსნა. ამ თემებზე ვისაუბრებთ, მაგრამ თუ კი უბრალოდ ულტიმატუმი გაისმის, როგორც არ უნდა გაუმჯობესდეს პროექტი, ის მაინც არ უნდა განხორციელდეს, რა თქმა უნდა, ჩვენთვის მიუღებელია", — აღნიშნავს თურნავა.

ნამახვანჰესის მოწინააღმდეგე აქტივისტებს რიონის ხეობაში არ უშვებენ. ის ტერიტორია კი, სადაც მათ კარვები ჰქონდათ გაშლილი, ტრაქტორმა დაამუშავა.

ადგილობრივებმა გუმათთან გადაინაცვლეს. მათ სცადეს სოფელ ნამოხვანში გადასვლა, თუმცა პოლიცია არ უშვებს, რასაც ადგილობრივებსა და შსს-ს თანამშრომლებს შორის დაპირისპირება მოჰყვა.

ერთ-ერთმა აქტივისტმა, ვარლამ გოლეთიანმა მსვლელობის დაწყებამდე მოსახლეობას მიმართა და განაცხადა, რომ ხელებაწეული უნდა დაძრულიყვნენ და წინააღმდეგობა არ გაეწიათ. მან პოლიციას მოუწოდა, ადგილზე უპრობლემოდ შეეშვათ.

ამის შემდეგ მათ პროექტის განმხორციელებელი კომპანიის, ENKA-ს ერთ-ერთი ოფისისკენ გადაინაცვლეს.

ამავე თემაზე: