გირჩის ერთ-ერთი ლიდერის, ვახტანგ მეგრელიშვილის თქმით, მათ პარტიის ქართულ ოცნებასთან მოლაპარაკებებზე იმდენად დიდი ინტერესი იყო დღეს მედიასაშუალებების მხრიდან, რომ შეხვედრის გამართვა გადაიფიქრეს.

"თქვენ გგონიათ, რომ ჩვენ პარლამენტში ვაპირებთ შესვლას და მაგიტომ მეკითხებით. ყველას ველაპარაკებით, აბსოლუტურად ყველას. ისეთი დიდი ინტერესი იყო დღეს მედიასაშუალებების მხრიდან, რომ შეგვეშინდა რამე უაზრო სკანდალში არ გავხვეულიყავით და საერთოდ არ გვინდა შეხვედრა. ახლა, სინამდვილეში, მთავარი ამბავი არის, რომ სკანდალები და კონცერტები კი არ მოვაწყოთ, ნებისმიერ ნაბიჯს, რომელსაც შევეცდებით, რომ გადავდგათ, ჰქონდეს მაქსიმალური სერიოზულობა. ჩვენ ვცდილობთ, ასეთი რეჟიმით ვიცხოვროთ იმ საგიჟეთში, რომელშიც გვიწევს ცხოვრება", — განაცხადა მეგრელიშვილმა რუსთავი 2-თან.

მედიით ვრცელდებოდა ინფორმაცია იმის შესახებ, რომ მმართველ პარტიასა და გირჩს შორის შეხვედრა შესაძლოა დღეს შემდგარიყო.