შრომის ინსპექტირების დეპარტამენტის ხელმძღვანელის, ბექა ფერაძის განცხადებით, დაგეგმილია სოციალური ღონისძიებების ორგანიზების მიზნით ფართის გაქირავების შეზღუდვა ან აკრძალვა.

"დაგეგმილი გვაქვს, რომ ამ შემთხვევაში ჩვენ ავკრძალოთ, ან შევზღუდოთ ფართის გაქირავება სოციალური ღონისძიების ორგანიზების მიზნით, რომელიც არის წინასწარ განზრახული და მესაკუთრე იმ შემთხვევაში გათავისუფლდება პასუხისმგებლობისგან, თუ ყველანაირი პრევენციული მექანიზმები ამოწურა, ხელშეკრულებით თავი დაიზღვია, რომ სოციალური ღონისძიება არ უნდა გაიმართოს და ასეთის არსებობის შემთხვევასი, თუ მას ინფორმაცია ექნება, თუ მიაწვდის ინფორმაციას საზედამხედველო უწყებებს", — აცხადებს ფერაძე.

კორონავირუსით ინფიცირების მაჩვენებელი თანდათან იზრდება. 6 აპრილის მონაცემებით, საქართველოში კორონავირუსის 897 ახალი შემთხვევა დადასტურდა, გამოჯანმრთელდა 196, ხოლო გარდაიცვალა — 10 ადამიანი.

გაუარესებული ეპიდვითარების გამო შეზღუდვების გამკაცრებაზე ისაუბრა დღეს დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელმა, ამირან გამყრელიძემაც.

გაიგეთ მეტი: