ბათუმის პოლიციამ სირცხვილიას მსვლელობის მონაწილეების დაჯარიმება დაიწყო. აქტივისტები ე.წ. კომენდანტის საათს აპროტესტებენ და მას დემონსტრაციულად არღვევენ.

"ყველაზე გატარდება ზომები და იდენტიფიცირების შემდეგ დასაჯარიმებელი ყველა დაჯარიმდება", — თქვა ბათუმის პოლიციის უფროსმა.

აქტივისტებმა სირცხვილიას რეგიონული ოფისიდან ბათუმის პოლიციის სამმართველოსთან მსვლელობით მივიდნენ, სადაც მათ 3 აპრილს რეგიონული ოფისის შენობაში პოლიციის შესვლა გააპროტესტეს. დაჯარიმება სწორედ სამმართველოსთან აქციის დასრულების შემდეგ დაიწყო.

დაჯარიმებულებს შორისაა აქტივისტი გიგა მაქარაშვილი, რომელმაც ქვითარი არ ჩაიბარა. მისი თქმით, 2 000-ლარიანი ჯარიმის გადახდას არ აპირებს და მას გაასაჩივრებს.

კიდევ ერთი დაჯარიმებული მოქალაქე, სოლომონ ბაჯელიძე, ასევე, ამბობს, რომ გადახდას არ აპირებს.

"დასრულდა აქცია მშვიდობიანად, მოვტრიალდით სრულიად მშვიდობიანად. მომმართეს სოლომონ ბაჯელიძე, კონკრეტულად გამომარჩიეს, მეუბნებიან, რომ კომენდანტის საათის დარღვევის გამო ხართ დაჯარიმებული", — აღნიშნა მან ჟურნალისტებთან.