დაავადებათა კონტროლის ეროვნული ცენტრის ხელმძღვანელი, ამირან გამყრელიძე აცხადებს, რომ შესაძლებელია, ქვეყანაში დაიწყოს კორონავირუსის საყოველთაო გავრცელება და მესამე ტალღა, რაც ნოემბერ-დეკემბრის ვითარებაში დაგვაბრუნებს. ამის შესახებ მან რუსთავი 2-თან ისაუბრა.

"დაიწყო ე.წ. კლასტერული გავრცელება, გვაქვს ჩამოყალიბებული კლასტერები სამეგრელოში, გურიაში, შიდა ქართლში. ეს ნიშანია იმისა, რომ შესაძლებელია, დაიწყოს საყოველთაო გავრცელება ქვეყანაში. შეიმჩნევა ეპიდსიტუაციის სერიოზული გაუარესება და საზოგადოებას უნდა ვუთხრათ ყოველდღიურად, რომ მოსალოდნელია მესამე ტალღა, რამაც შეიძლება დაგვაბრუნოს ნოემბერ-დეკემბრის ვითარებაში", — აცხადებს გამყრელიძე.