დიმიტრი გაბუნიამ პრეზიდენტის საპარლამენტო მდივნის თანამდებობა დატოვა. ადმინისტრაცის ინფორმაციით, ის ამ პოსტიდან პირადი განცხადების საფუძველზე წავიდა.

პრეზიდენტის ახალი საპარლამენტო მდივანი თამარ ტყეშელაშვილი იქნება, რომელიც მანამდე სამართლებრივ საკითხებში მრჩეველი იყო.

დიმიტრი გაბუნია არაერთი გახმაურებული საქმეში მონაწილეობდა ადვოკატის სტატუსით. ის იყო ქალთა მიერ სექსუალურ შევიწროებაში დადანაშაულებული ზვიად დევდარიანის ადვოკატიც, რომლის მხრიდან რამდენიმე ქალის სექსუალური შევიწროება სახალხო დამცველმაც დაადასტურა. პრეზიდენტის საპარლამენტო მდივნად მის დანიშვნას ქალთა მოძრაობის პროტესტი მოჰყვა. ისინი მიუთითებდნენ ადვოკატის ფრაზაზე: "რას აკეთებდა რო ისეთს, რომელსაც ნებისმიერი ჩვენგანი არ აკეთებს?", რომელიც მან დევდარიანის მისამართით თქვა და აღნიშნავდნენ, რომ ამით გაბუნიამ "სექსუალური შევიწროება ლამის ნორმად და მისსავე პირად პრაქტიკად წარმოგვიჩინა".