საქართველოს მთლიანმა საგარეო ვალმა 2020 წლის 31 დეკემბრის მდგომარეობით 20,3 მილიარდი აშშ დოლარი შეადგინა, რაც 2020 წლის მშპ-ს 127,7 პროცენტია.

ეროვნული ბანკის ინფორმაციით, მთლიანი საგარეო ვალი გასული წლის მეოთხე კვარტალში 640 მილიონით გაიზარდა, საიდანაც: ოპერაციული ცვლილებების გამო — 328,3 მილიონით, კურსის ცვლილების გამო — 276,4 მილიონით, ფასის ცვლილების გამო — 34,1 მილიონით და სხვა ცვლილებების გამო — 1,2 მილიონით.

სახელმწიფო საგარეო ვალმა შეადგინა 9,7 მილიარდი დოლარი შეადგინა, რაც მშპ-ს 61,3 პროცენტია, რომლიდანაც სამთავრობო სექტორის ვალია 7,4 მლრდ აშშ დოლარი, ეროვნული ბანკის ვალდებულებები — 583,2 მლნ აშშ დოლარი, ხოლო სახელმწიფო საწარმოების ობლიგაციები და სესხები, 802,7 მილიონი და 923,6 მილიონია.

საბანკო სექტორის საგარეო ვალმა შეადგინა 4,4 მილიარდი ლარი. სხვა სექტორების საგარეო ვალია 4,6 მილიარდია, ხოლო კომპანიათაშორისო ვალი 3,2 მილიარდი დოლარია. მთლიანი საგარეო ვალის 92,1 პროცენტი დენომინირებულია უცხოური ვალუტით.

2020 წლის 31 დეკემბრის მდგომარეობით, საქართველოს წმინდა საგარეო ვალი 12,2 მილიარდი დოლარია, რაც 2020 წლის მშპ-ს 77 პროცენტია. აქედან, სახელმწიფო სექტორის წმინდა საგარეო ვალი 5,8 მილიარდია, რაც მშპ-ს 36,5 პროცენტია.