ეკონომიკის სამინისტროს ცნობით, ავიაკომპანია Wizz Air ქუთაისიდან ლონდონის მიმართულებით, ლუტონის აეროპორტში პირდაპირი რეისების შესრულებას იწყებს.

სამინისტროს ცნობით, ავიარეისების ოპერირება 18 ივნისიდან დაიწყება და ფრენა კვირაში ორჯერ, ყოველ ხუთშაბათს და კვირას განხორციელდება. ყველა ავიარეისი სრულდება 180 ადგილიანი "ეარბას A320" და 230 ადგილიანი "ეარბას A321" ტიპის საჰაერო ხომალდებით.

ავიაბილეთების შეძენა ავიაკომპანიის საიტზე 105.99* ლარი/£ 34.99*-დან არის შესაძლებელი.

Wizz Air-ის პირველი ბაზა საქართველოში 23 სექტემბერს ოფიციალურად გაიხსნა ქუთაისში და ის დავით აღმაშენებლის სახელობის საერთაშორისო აეროპორტიდან ევროპის ქალაქების მიმართულებით უკვე თორმეტ რეისს ასრულებს.