სენატორმა ჯიმ რიშმა სენატის საგარეო კომიტეტის სხდომაზე განაცხადა, რომ საქართველო ახლა კრიტიკულ მომენტშია. მისივე თქმით, თუ დემოკრატიამ ახლა არ იმუშავა, ქვეყანა ევროატლანტიკურ სტრუქტურებში გაწევრიანების შანსს დაკარგავს.

"თუკი საქართველო დემოკრატიას ახლა ვერ აამოქმედებს, არ ვიცი ამას როდის შეძლებს. ის ევროატლანტიკურ სტრუქტურებში გაწევრიანების შანსს დაკარგავს. პოლიტიკური ლიდერები კრიზისიდან გამოსავალზე უნდა შეთანხმდნენ და საქართველოს მომავლისთვის რეფორმებზე მოილაპარაკონ", — განაცხადა რიშმა.

23 მარტს სენატის საგარეო კომიტეტის სხდომაზე საქართველოში დემოკრატიის მდგომარეობის შესახებ მოსმენა გაიმართა.