დემი ლოვატო მასზე გადაღებულ დოკუმენტურ სერიალში — Dancing with the Devil (ცეკვა დემონთან) — ტრავმულ გამოცდილებაზე ალაპარაკდა და აღნიშნა, რომ ნარკოტიკების ზედოზირებისას დილერმა მასზე სექსუალურად იძალადა.

"როდესაც მიპოვეს შიშველი და გალურჯებული ვიყავი. სასიკვდილოდ გამწირეს და ჩემი მდგომარეობით ისარგებლეს. კლინიკაში გადაყვანის შემდეგ, როცა გავიღვიძე, მკითხეს სექსი ჩემივე სურვილით მქონდა თუ — არა. წამიერი კადრი მახსოვს, რომელშიც ის ზემოდან მაწევს, ამიტომ კლინიკაშიც ვთქვი, რომ ეს ჩემი სურვილიც იყო. მხოლოდ თვეების შემდეგ გავაანალიზე, რომ ზედოზირებისას გადაწყვეტილების მიღების უნარი არც კი მქონდა", — ამბობს ლოვატო.

მომღერლის თქმით, ის სექსუალური ძალადობის მსხვერპლი ამ შემთხვევამდეც იყო.

"თინეიჯერობისასაც მსგავსი გამოცდილება მქონდა, ქალიშვილობა გაუპატიურების შედეგად დავკარგე. იმ დროს დისნეისთან ვთანამშრომლობდი და ყველა დაუფარავად ამბობდა, რომ განსაკუთრებულ მომენტს ელოდნენ, ჩემი პირველი სექსი კი რომანტიკული სულაც არ იყო. მოძალადეს გადაღებებზე მუდმივად ვხედავდი და ამიS გამო ჭამაც კი შევწყვიტე, გამკლავების გზების ძიება დავიწყე. მას არც როლი დაუკარგავს, არც პრობლემა შეჰქმნია. ვერასდროს შევძელი თქმა, ახლა კი საუბარი გადავწყვიტე", — აღნიშნავს მომღერალი.

ლოვატომ ისიც აღნიშნა, რომ სიტუაციაზე კონტროლის აღება მოძალადეებთან დაკავშირებით სცადა: "ერთი თვის შემდეგ დავურეკე, მინდოდა ამ შემთხვევაზე კონტროლი ამეღო და ამით უკეთ მეგრძნო თავი, მაგრამ ეს უარესი აღმოჩნდა. ორივე ტრავმა იმდენად მძაფრი იყო, რომ განსაკურნებლად წლები დამიჭირდა".

Demi Lovato: Dancing with the Devil-ის პრემიერა 23 მარტს, იუთუბზე შედგება.

ამერიკელი მომღერალი დემი ლოვატო ჰოლივუდში მდებარე საკუთარი სახლიდან ლოს-ანჯელესის საავადმყოფოში 2018 წლის ივლისის ღამეს გადაიყვანეს. მისი ჰოსპიტალიზირების მიზეზი ჰეროინის გადაჭარბებული დოზა იყო.

ახალ ფილმში დემი ლოვატო ზედოზირებაზე, გულის შეტევაზე და ტვინის დაზიანებაზე საუბრობს