საზოგადოებრივი მაუწყებლის რეიტინგის 15 პროცენტამდე გაზრდის შემთხვევაში, არხის დირექტორი ვასილ მაღლაფერიძე თანამდებობას დატოვებს. ამის შესახებ მან On.ge-ს ჟურნალისტის კითხვაზე პასუხად განაცხადა.

On.ge-მ იკითხა: მაშინ, როცა მაღლაფერიძის მიმართ არსებობს კითხვები, რა გეგმა აქვს მას იმისთვის, რომ არხის მიმართ, რომლის რეიტინგის გაზრდასაც მისი გუნდი გეგმავს, არ გაჩნდება პოლიტიკური ინტერესები?

მაღლაფერიძემ დღეს არასამთავრობო ორგანიზაციებთან შეხვედრისას განცხადა, რომ არხს იმდენად დაბალი რეიტინგი აქვს, რომ არ შეიძლება მის მიმართ არსებობდეს პოლიტიკური ინტერესი. მისი თქმით, საზოგადოებრივი მაუწყებელი მხოლოდ საზოგადოების ინტერესებს უნდა გამოხატავდეს.

მაღლაფერიძის ხედვაა, დაწესდეს, რეიტინგების შემთხვევაში, რაიმე მინიმალური ზღვარი, რომელის ქვემოთაც ჩამოსვლის შემთხვევაში გადაიხედება არხის მენეჯმენტის მუშაობისა და სხვადასხვა გადაცემების ჩანაცვლების საკითხი.