30 წელზე მეტი გავიდა მას შემდეგ, რაც მაყურებლებმა პრინცი აკიმი გაიცნო და მასთან ერთად ამერიკაში იმოგზაურა. ამჯერად ედი მერფისა და არსენიო ჰოლის პერსონაჟები, მეფე აკიმი და მისი მრჩეველი სემი, ამერიკაში აკიმის დაკარგული მემკვიდრის მოსაძებნად მიემგზავრებიან.

ფილმის ტრეილერი პირველად დეკემბერში ვიხილეთ, რომლის მიხედვითაც, ფილმი 5 მარტს უნდა გამოსულიყო, თუმცა Amazon Prime-მა გულშემატკივრებს სიურპრიზი მოუმზადა და ფილმი 1 დღით ადრე, 4 მარტს გამოუშვა. აღსანიშნავია, რომ ფილმი Paramount-მა ამაზონს პანდემიის ფონზე მიჰყიდა.

ყველასათვის საყვარელი ფილმის მეორე ნაწილმა, Coming 2 America-მ განსხვავებული შეფასებები დაიმსახურა. მაყურებელთა და კრიტიკოსთა ნაწილი თვლის, რომ მეორე ნაწილი ორიგინალის უბრალო გადამეორებაა, ერთი და იმავე ისტორიითა და ხუმრობებით.

განსხვავებული შეფასებების მიუხედავად, ფილმი ნოსტალგიით აღსავსე გულშემატკივრებისთვის საყვარელი პერსონაჟებისა და ისტორიის გასახსენებლად მშვენიერი შესაძლებლობაა.