ევროპული საბჭოს პრეზიდენტი, შარლ მიშელი საოკუპაციო ხაზთან ჩავიდა და ადგილობრივ მოსახლეობას მხარდაჭერა გამოუცხადა.

"ევროპული კავშრი მხარს უჭერს საქართველოს დამოუკიდებლობასა და ტერიტორიულ მთლაინობას. ასევე, არსებობს მნიშვნელოვანი მექანიზმი, რომელიც შექმნა ევროპულმა სამონიტორინგო მისიამ, რათა შევინარჩუნოთ სტაბულურობა და გამოვნახოთ ნდობის შენებისთვის ზომები. ჩვენ ვიცით, რომ სიტუაცია კომპლექსური და ძალიან რთულია ადგილობრივი მოსახლეობისთვის. ძალიან მნიშვნელოვანი რამის თქმა მინდა: თქვენ არ ხართ მარტო, ევროპა მხარს უჭერს მშვიდობას, უსაფრთხოებასა და სტაბილურობას", — განაცხადა მიშელმა.

ევროპული საბჭოს პრეზიდენტი საქართველოში პოლიტიკური კრიზისის ფონზე ჩამოვიდა. თითქმის ერთი კვირის წინ, ნაციონალური მოძრაობის ლიდერი ნიკა მელია დააკავეს, რასაც ევროპელი და ამერიკელი პარტნიორების მხრიდან კრიტიკა და შეშფოთება მოჰყვა.

24 თებერვალს 6-მა ევროპარლამენტარმა მიშელს წერილით მიმართა და საქართველოში ვიზიტამდე, მიმდინარე ბოლოდროინდელ მოვლენებზე რეაგირება მოსთხოვა.

როგორც ერთობლივ წერილშია აღნიშნული, ნაციონალური მოძრაობის ლიდერის, ნიკა მელიას დაკავების შემდეგ, ქართულ ოცნებასა და ოპოზიციას შორის დაპირისპირებამ სახიფათო დონეს მიაღწია. ისინი მოუწოდებდნენ მიშელს, ვიზიტი გამოიყენოს იმისთვის, რომ მხარეებს დიალოგისკენ მოუწოდოს.