საკოორდინაციო საბჭოს გადაწყვეტილებით, მუნიციპალური ტრანსპორტი შაბათ-კვირასაც იმუშავეს. ამის შესახებ მთავრობის ფეისბუქზე გავრცელებულ განცხადებაშია საუბარი.

რაც შეეხება მგზავრებისთვის დაწესებულ რეგულაციებს, ძალაში რჩება პირბადით გადაადგილების აუცილებლობა. მუნიციპალურ ტრანსპორტში კვლავ აკრძალული იქნება გათბობა-გაგრილების სისტემის ჩართვა.

თბილისის მერიაში აცხადებენ, რომ მგზავრებს ყოველდღიურად 27 თებერვლიდან მოემსახურებიან.

გარდა ამისა, 25 თებერვლიდან მუშაობას იწყებს საქალაქთაშორისო ტრანსპორტი. შეზღუდვების მოხსნა შეეხება როგორც სასწავლო პროცესს, ისე თეატრებს, სპორტულ დარბაზებს, რესტორნებსა და სავაჭრო ცენტრებს. თუმცაღა ე.წ. კომენდანტის საათი კვლავ ძალაში რჩება.