წყალტუბოს მუნიციპალიტეტის სოფელ ნამოხვანში ადგილობრივებსა და პოლიციას შორის დაპირისპირებაა. ადგილობრივები ჰესის მშენებლობას აპროტესტებენ და ჰიდროელექტროსადგურის მშენებელ კომპანიას ტერიტორიაზე არ უშვებენ.

ჰესის მშენებლობის მოწინააღმდეგეებმა საავტომობილო გზა გუშინ, 22 თებერვალს გადაკეტეს.

ჰიდროელექტროსადგურის მშენებლობას ადგილობრივები, სამოქალაქო აქტივისტები და გარემოს დამცველები ეწინააღმდეგებიან. ხშირად ისინი გზას კეტავენ, კარვებს შლიან და მძიმე ტექნიკის მუშაობას ხელს უშლიან.