10 რამ, რაც GOT-ის ბოლო წიგნის გამოსვლის შემდეგ მოხდა
წელს 10 წელი გადის მას შემდეგ, რაც ჯორჯ მარტინის ცნობილი ფენტეზი სერიის, ყინულისა და ცეცხლის სიმღერის, ჯერჯერობით ბოლო, მეხუთე ნაწილი გამოვიდა. მას შემდეგ ბევრმა წყალმა ჩაიარა და ახალი ათწლეულიც დაიწყო. მოზარდები, ვინც მაშინ მეექვსე ნაწილს ელოდებოდნენ, დღეს უკვე ზრდასრულები არიან და რა გასაკვირია, რომ ზოგიერთი მათგანი ახლა უკვე შვილებთან ერთად ელოდება ისტორიის გაგრძელებას.
და მაინც — რამდენი რამ მოხდა მას შემდეგ, რაც ვესტეროსი 2011 წელს მივატოვეთ?
1. დაიწყო და დასრულდა წიგნების მიხედვით გადაღებული სერიალი
რვა სეზონისა და 73 სერიის შემდეგ HBO-მ ბოლო დროის ერთ-ერთი ყველაზე პოპულარული სერიალის გადაღება 2019 წელს დაასრულა. ალბათ არც ის იქნება სიმართლისგან შორს, თუ ვიტყვით, რომ მარტინის წიგნების სერიის პოპულარობა დიდწილად სწორედ სერიალმა განაპირობა.
სერიალის შემქმნელები მადლიერები კი იყვნენ, მაგრამ, სხვა რა გზა ჰქონდათ — არ დაადგა საშველი მეექვსე წიგნს (მეშვიდეზე რომ არაფერი ვთქვათ!), ამიტომ, დასასრულის მოფიქრება თავად მოუწიათ.
2. ითარგმნა წიგნები ქართულად, ხუთივე!
როგორც უკვე აღვნიშნეთ, სერიალმა წიგნების სერია ბესტსელერების სიების სათავეებში მოაქცია. GOT-მა ერთგული გულშემატკივრების არმია საქართველოშიც შეიძინა, საბოლოოდ კი, სერიალის გამოსვლიდან მალევე წიგნების სერიის ქართულ ენაზე თარგმნა და გამოცემა გამომცემლობა არეტემ დაიწყო. დღესდღეობით არა მხოლოდ ხუთივე წიგნია ქართულ ენაზე თარგმნილი, არამედ რეპრინტებიც კი მოესწრო.
3. 2012 წლის სამყაროს აღსასრული ჯერ არ დამდგარიყო
შესაძლოა, მარტინმა იმიტომაც გააჯანჯლა, რომ სამყაროს აღსასრულის იმედი ჰქონდა. თუმცა, ნურას უკაცრავად. 2012-საც გადავურჩით, კორონავირუსსაც და ისევ ველოდებით. რადგან ახლო მომავალში არც მეტეორის დაცემას უჩანს პირი და არც წარღვნას, მარტინისთვის საიმედო ჯერჯერობით ვერაფერია.
4. ტრამპმა მოსვლაც მოასწრო და წასვლაც
დაზუსტებით ვერ ვიტყვით, განჭვრიტა თუ არა მარტინმა მსოფლიოს მომავალი ტრამპის პრეზიდენტობის პერიოდში, თუმცა, აშშ-ის 45-ე პრეზიდენტმა ვადა ისე მოიხადა, GOT-ის წიგნის გამოცემას არ მოსწრებია.
5. ბრიტანეთის სამეფო ოჯახის პრინცები დაწვრილშვილდნენ
ახალშეუღლებულ პრინც უილიამსა და ქეით მიდლტონს ქორწინებიდან სამი თვის თავზე GOT-ის მეხუთე წიგნმა მოუსწრო. მას შემდეგ წყვილის სამივე შვილი ისე დაიბადა, პრინცი ჯორჯი ისე შევიდა სკოლაში და შარლოტი ისე წავიდა საბავშვო ბაღში, ვესტეროსის ისტორია აღარ გაგრძელებულა. ამით პრინცმა ჰარიმ ისარგებლა და სამეფო კარის თამაშები რეალურ ცხოვრებაში, მეგან მარკლზე ქორწინებით განაგრძო.
სხვათა შორის, ჰარისა და მეგანის შვილი, არჩიც, ისე მოევლინა ქვეყანას, რომ ჯერ კიდევ არ დასრულებულა ზამთრის ქარები. იმედია, იმ დროისთვის მაინც მოხერხდება წიგნის გამოცემა, როცა არჩი ტიტულს მიიღებს.
6. დედოფალმა ელიზაბეთ II-მ კიდევ 9 დაბადების დღე გადაიხადა
გამოხდა ათწლეული, თუმცა, ნამდვილი დედოფალი არც თავის 95-ე დაბადების დღეზე მიიღებს სატახტოთა თამაშის გაგრძელებას საჩუქრად. არც ისაა გამორიცხული, მისი აღმატებულება სწორედ ამ სერიის დასრულებას ელოდებოდეს, რათა მშვიდად გადაულოცოს ტახტი მემკვიდრეს.
7. ინსტაგრამმა ინტერნეტი დაიპყრო და მარტინს პოტენციური მკითხველები წაართვა
მიუხედავად იმისა, რომ ინსტაგრამი ჯერ კიდევ 2010 წელს შეიქმნა, პოპკულტურაში იგი გასული ათწლეულის შუა წლებში დამკვიდრდა. განსხვავებით 2011 წლისგან, დღეს ხალხი, მათ შორის, ამ სტატიის ავტორიც, რომელმაც წლის დასაწყისში პირობა დადო, წელს მეტს წავიკითხავო, თავისუფალ დროს ინსტაგრამის "სქროლვას" უთმობს, რაც საფუძვლიან ეჭვს ბადებს, რომ ინსტაგრამი სწორედ მარტინთან და მის წიგნებთან საბრძოლველად შექმნეს.
8. მარტინისდა საუბედუროდ გამოიგონეს მიმები
ინსტაგრამის არ იყოს, მიმებსაც ვერ მივიჩნევთ 2010-იანი წლების შვილად, თუმცა, ამ ტერმინის დღევანდელი გაგებით აღწერილი კონტენტი სწორედაც რომ ყინულისა და ცეცხლის სიმღერის ბოლო წიგნის გამოსვლის შემდეგ არსებობს.
კვლავაც ინსტაგრამის მსგავსად, ამან მეტად არახელსაყრელ მდგომარეობაში ჩააყენა მარტინი, რომელიც ინტერნეტსივრცეში გავრცელებული არაერთი მიმის შთაგონების წყარო გახდა.
9. ისე, პატრიკ როტფუსსაც არაფერი გაუკეთებია
ზარმაცთა საიდუმლო ორდენის წევრები არიან, შეთქმულების მონაწილენი თუ, უბრალოდ, ერთმანეთს ეჯიბრებიან, არ ვიცით, თუმცა, ფაქტი ფაქტად რჩება — მარტინმა ყინულისა და ცეცხლის სიმღერის ბოლო წიგნი 2011 წელს გამოსცა. როტფუსმაც — მეფისმკვლელის ქრონიკის მეორე წიგნი, ბრძენკაცის შიში, იმავე წელს დაბეჭდა. მერე იფიქრა, თხა თხაზე ნაკლებიო და ხელი აღარ გაუნძრევია — ნუ, ჩვენს დასანახავად მაინც.
10. On.ge-ის შექმნამდე ჯერ კიდევ 5 წელი იყო დარჩენილი
On.ge 2016 წელს შეიქმნა, როცა სატახტოთა თამაშის სერიის ბოლო წიგნის გამოცემიდან 5 წელი იყო გასული. გამოხდა კიდევ 5 წელი და, თავს არ ვიქებთ, თუმცა, ჩვენ ათიათასობით სტატიის დაწერა მოვასწარით. მათ შორის ბევრი — თავად მარტინზე და მის ლეგენდარულ საგაზე.
ეს ყველაფერი კი ხუმრობით, თუმცა, დასასრულს მაინც აღვნიშნავთ, რომ ჯორჯ მარტინმა ფენტეზის ჟანრს მართლაც ლეგენდარული ნაწარმოები და უნიკალური სამყარო აჩუქა. მოუთმენლად ველოდებით, როდის შევძლებთ ზამთრის ქარების წაკითხვას და მასზე სტატიების დაწერას (თითებს ვაჯვარედინებთ).
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
კომენტარები