"ირაკლი ღარიბაშვილის აღდგენილი კონსტიტუციური წესრიგი არ გაიშვას, დიდი ბოდიში ამ უხეში გამონათქვამისთვის", — ასე პასუხობს ნაციონალური მოძრაობის ერთ-ერთი ლდიერი, ხატია დეკანოიძე კითხვას, თუ როგორ აღადგენს ირაკლი ღრიბაშვილი კონსტიტუციურ წესრიგს.

"ირაკლი ღარიბაშვილის აღდგენილი კონსტიტუციური წესრიგი არ გაიშვას, დიდი ბოდიში ამ უხეში გამონათქვამისთვის, მაგრამ ერთი მინდა ვთქვა, რომ არავის არ ეშინია იარაღის ჟღარუნის, არავის ეშინია მისი ბაქიბუქის ერთპარტიული პარლამენტის ტრიბუნიდან, მაგრამ ერთი მინდა ვთქვა აუცილებლად — ის, რომ ქართული ოცნების რიგებში ახლა არის ძალიან დიდი დაბნეულობა, გახარიას და მთავრობის გადადგომის შემდეგ, ის, რომ ისინი დაბნეულები არიან და ძალიან ბევრი კლანი შეეჯახა ერთმანეთს, ესაც არის ამის გამოძახილი. ცდილობს, რომ გაამხნევოს ის ადამიანები, ვინც ფიქრობენ, რომ ნამდვილად ქართული ოცნების მომავალი შეიძლება კიდევ გაგრძელდეს, მაგრამ მას და ყველა ქართული ოცნების წარმომადგენელს პირობას ვაძლევ, რომ ამ ქვეყანაში პოლიტიკური დაძაბულობისა და პოლარიზაციის კიდევ უფრო გამძაფრება არავის არ ეპატიება", — აცხადებს დეკანოიძე.

დღეს პარლამენტი ახალ მინისტრთა კაბინეტს და პრემიერმინისტრობის კანდიდატს, ირაკლი ღარიბაშვილს ოფიციალურად დაამტკიცებს. ღარიბაშვილმა 19 თებერვალს ორი ახალი მინისტრი წარადგინა. თავდაცვის მინისტრის პოსტს ჯუანშერ ბურჭულაძე დაიკავებს, ხოლო რეგიონული განვითარების და ინფრასტრუქტურის მინისტრის თანამდებობაზე მაია ცქიტიშვილს მისი მოადგილე, ირაკლი ქარსელაძე შეცვლის.

გაიგეთ მეტი: