ქართული ოცნების დეპუტატის, მამუკა მდინარაძის განცხადებით, რეგიონული განვითარების და ინფრასტურქტურის მინისტრის, მაია ცქიტიშვილის თანამდებობიდან წასვლა, პარტიისთვის მოულოდნელი არ ყოფილა, რადგან მდინარაძის თქმით, ცქიტიშვილმა "წინასწარ ილაპარაკა" ამ საკითხზე გუნდთან.

"არა, ქალბატონი მაიას გადაწყვეტილება მოულოდნელი არ ყოფილა, იქედან გამომინდარე, რომ მან წინასწარ ილაპარაკა ჩვენთან ამ საკითხებთან დაკავშირებით. ის ძალიან ბევრი წელია ჩვენი გუნდის ღირსეული წევრია. 2011 წლიდან არის ქართული ოცნების გუნდის აქტიური წევრი, მუშაობდა სხვადასხვა თანამდებობებზე, რამდენიმე პრემიერთან ძალიან წარმატებით იმუშავა და არ შეიძლება მას მადლობა არ გადავუხადოთ", — თქვა მდინარაძემ.

რეგიონული განვითარების და ინფრასტურქტურის მინისტრი და ვიცე-პრემიერი მაია ცქიტიშვილი ირაკლი ღარიბაშვილის მთავრობაში აღარ იქნება. ამ თანამდებობას მისი პირველი მოადგილე ირაკლი ქარსელაძე დაიკავებს. გადაწყვეტილება პრემიემინისტრობის კანდიდატმა, ირაკლი ღარიბაშვილმა პოლიტსაბჭოს სხდომის შემდეგ გამოაცხადა.

მაია ცქიტიშვილი რეგიონული განვითარებისა და ინფრასტრუქტურის სამინისტროს 2018 წლის აპრილიდან ხელმძღვანელობდა. ცქიტიშვილის გარდა, სამთვრობო გუნდში კიდევ ერთი ცვლილებაა. კერძოდ, თავდაცვის მინისტრი მოქმედი მოადგილე ჯუანშერ ბურჭულაძე იქნება. სხვა მინისტრებს ღარიბაშვილი უცვლელად ტოვებს.