ვიღაცები ფიქრობენ, რომ საშინელებათა ჟანრის ფილმი და ორიგინალურობა ბალახს ერთად ვერ მოძოვს.

ამ მოსაზრებას ჟანრული კინოს მოყვარულები არ დაეთანხმებიან, რადგან კინოს ისტორიას მართლაც მრავალი საშიში ფილმი ახსოვს, რომელმაც მაყურებელზე წარუშლელი კვალი დატოვა, თუმცა ისიც მართალია, რომ მეტწილად ამ ჟანრის ფილმები სცენარის განვითარების ერთი და იმავე სქემას მიჰყვება და ხშირად თავიდანვე შეგიძლია გამოიცნო, როგორ დასრულდება ყველაფერი.

დროა, ახლა სწორედ ის დეტალები გავიხსენოთ, რომლებიც საშიშ ისტორიებზე გადაღებულ ლამის ყველა ფილმში გვხდება და უკვე თავიც მოგვაბეზრეს მათმა შემქმნელებმა ამის გამო.

1. გავიგეთ, რომ მიტოვებული სახლები, ფსიქიატრიული დაწესებულებები, ბავშვთა თავშესაფრები და ტყის ხის ქოხები ავსულების, დემონებისა თუ სერიული მკვლელების საყვარელი საცხოვრებელია

ფოტო: Imgur

2. და პერსონაჟებს რატომღაც არ ადარდებთ, თუ ასეთ ადგილას აღმოჩნდებიან: საკუთარი თვალითაც რომ იხილონ საზარელი მოჩვენებების ლაშქარი, მაინც იფიქრებენ, რომ ეს მხოლოდ მათი ფანტაზიის ნაყოფია და მშვიდად ცხოვრებას იქამდე გააგრძელებენ, სანამ მართლა წირვას არ გამოუყვანენ

ფოტო: EllenTube

3. როცა პერსონაჟს მოსაკლავად მისდევენ და ის გარბის, აუცილებლად ფეხი უნდა დაუცდეს და წაიქცეს, სადმე ჩავარდეს ან სულაც დაგორდეს

ფოტო: Giphy

4. ბანაობა არასდროსაა უსაფრთხო: ფსიქოს შემდეგ სააბაზანო უამრავ ფილმში გამოიყენეს მკვლელობისთვის ზედგამოჭრილ ადგილად

ფოტო: Giphy

5. დაძაბული მუსიკა იქ, სადაც არაფერი ხდება, მაგრამ რეჟისორს უბრალოდ მაყურებლის შეშინება უნდა

ფოტო: Giphy

6. სარდაფში აუცილებლად ბნელა და ხშირად შუქიც არ ინთება. ასევე სანამ პერსონაჟი იქ გრძელი კიბით ჩავა, პროცესი უნდა გაიწალოს, რომ იქნებ ვინმემ ან რამემ რომელიმე საფეხურზე ხელი ჩაავლოს

ფოტო: Giphy

7. მკვლელი თავად არასდროს კვდება: დიახ, შეიძლება ავტომატით ჩაცხრილო, დაწვა, მანქანით გადაუარო და ზღვაში დაახრჩო, მაგრამ არასდროს იცი, როდის აღსდგება და ხელახლა გამოგეცხადება

ფოტო: Giphy

8. როცა რამდენიმეწევრიანი ჯგუფი ერთადაა, რატომღაც ვიღაც გადაწყვეტს, რომ აუცილებლად უნდა გაიყონ, რათა ყველა ცალ-ცალკე უფრო მარტივად მოიხელთოს ნებისმიერმა ავსულმა და ბოროტმა

ფოტო: Giphy

9. მობილური ტელეფონები არ არსებობს ან თუ არსებობს, კავშირი არ აქვს ან ელემენტი დამჯდარია

ფოტო: Giphy

10. პერსონაჟები თუ ძველ ნივთს — წიგნს, იარაღს, თილისმას, თამაშს — პოულობენ, რომელიც აფრთხილებს, რომ მისი გამოყენების შემთხვევაში თავს კოშმარი დაატყდებათ, ერთხელაც არავინ ცდის ამ რჩევის გათვალისწინებას

ფოტო: Giphy

11. პოლიციელები ყველაზე გამოუსადეგარი ხალხია სამყაროში: ან მაშინ ჩნდებიან, როცა ისედაც ყველაფერი დამთავრებულია, ან კიდევ მალევე კვდებიან

ფოტო: Gifer

12. გადამწყვეტ წამს მანქანა არასდროს იქოქება

ფოტო: Gfycat

13. თუ ერთი ჯგუფის ისტორიას გვიყვება ფილმი, ქერა გოგოს ან შავკანიან პერსონაჟს ყველაზე ნაკლებად უმართლებს ხოლმე, რადგან პირველები რატომღაც სწორედ ისინი იღუპებიან

ფოტო: Giphy