გუშინ ლოს-ანჯელესში ოსკარის ნომინანტთა ტრადიციული წვეულება გაიმართა, რომელსაც კინოაკადემია დიდ ღამედ მოიხსენიებს ხოლმე.

ჩვენ უკვე ვიცით, ვინ არიან ოსკარის წლევანდელი ნომინანტები და ვიცით ისიც, რომ შარშანდელისგან განსხვავებით, ოსკარი წელს ნაკლებად "თეთრი" იქნება.

კინოაკადემიის ნომინანტთა სიაში რამდენიმე აფროამერიკელ მსახიობს შეხვდებით, კერძოდ კი: ვაიოლა დევისს, დენზელ ვაშინგტონს, ოქტავია სპენსერს, მაჰერშალა ალის, რუთ ნეგასა და ნაომი ჰარისს. აღსანიშნავია ისიც, რომ ისტორიაში პირველად, ორი აფროამერიკელია წარდგენილი საუკეთესო სცენარების კატეგორიაში, ვაიოლა დევისი კი კინოს ისტორიაში პირველი აფროამერიკელია, რომელიც უკვე მესამედ არის წარდგენილი ოსკარზე.

სწორედ ამ თემას მიუძღვნა საკუთარი გამოსვლაც აკადემიის პრეზიდენტმა შერილ ბუნ აიზეკსმა, რომელმაც აღნიშნა, რომ შარშანდელი ჰეშთეგი #OscarsSoWhite დავიწყებას უნდა მიეცეს, რადგან აკადემია ძირეული ცვლილებების გზას დაადგა.

"ჩვენი ტრადიციული ლანჩი საშუალებას გვაძლევს, დრო მხოლოდ დასვენებასა და განტვირთვას დავუთმოთ. ჩვენი ტრადიციული ფოტოც მეტია, ვიდრე უბრალოდ ფოტო. მასზე ასახულია ისტორია. როცა წლევანდელი ლანჩის ამსახველ საერთო სურათს გამოგიგზავნით, თქვენ დაინახავთ განსხვავებას - პროგრესს, რომელსაც ჩვენ მივაღწიეთ თუნდაც ამ ერთი წლის განმავლობაში", - ამბობს შერილი.

ფოტო: AP

აკადემიის პრეზიდენტის ყურადღების მიღმა არ დარჩენილა დონალდ ტრამპის ბრძანება, რომლის მიხედვითაც შვიდი მუსლიმური ქვეყნის მოქალაქეებს აშშ-ში შესვლა ეკრძალებათ.

სწორედ ამ აკრძალვამ გამოიწვია ის, რომ ირანელმა მსახიობმა ტარანე ალიდუსტიმ, რომელიც ოსკარზე ნომინირებულ ფილმ The Salesman-ში ერთ-ერთ როლს ასრულებს, დაჯილდოების ცერემონიაზე დასწრებაზე უარი თქვა. იგივე ნაბიჯი გადადგა ამავე ფილმის რეჟისორმა და სცენარის ავტორმა ასგარ ფარჰადიმ.

"დღეს თქვენ შეამჩნევდით რამდენიმე ცარიელ სკამს. ხელოვნებას საზღვრები არ აქვს და ერთი ადამიანის არასწორი შეხედულებები ცენზურას არ უნდა გვიწესებდეს. ძლიერი საზოგადოება აუცილებლად დაუპირისპირდება ამ არასწორ ნაბიჯებს. ვერავინ და ვერანაირი საზღვარი ვერ შეგვაჩერებს", - თქვა საკუთარ სიტყვაში შერილ ბუნ აიზეკსმა.

ფოტოები ოსკარის ნომინანტთა ყოველწლიური ლანჩიდან:

დენზელ ვაშინგტონი

დენზელ ვაშინგტონი

ფოტო: AP

დევ პატელი

დევ პატელი

ფოტო: AP

ემა სტოუნი

ემა სტოუნი

ფოტო: AP

მიშელ უილიამსი

მიშელ უილიამსი

ნატალი პორტმანი

ნატალი პორტმანი

ნიკოლ კიდმანი

ნიკოლ კიდმანი

ოქტავია სპენსერი

ოქტავია სპენსერი

რაიან გოსლინგი

რაიან გოსლინგი

ვაიოლა დევისი

ვაიოლა დევისი

ოქტავია სპენსერი, ემა სტოუნი და ვაიოლა დევისი

ოქტავია სპენსერი, ემა სტოუნი და ვაიოლა დევისი

ფოტო: AMPAS

შერილ ბუნ აიზეკსი და იზაბელ იუპერი

შერილ ბუნ აიზეკსი და იზაბელ იუპერი

ოსკარის რიგით 89-ე დაჯილდოების ცერემონია ტელეკომპანია GDS-ზე 26 თებერვალს, ღამის ორი საათიდან დაიწყება.