მეუფე ვახტანგის განცხადებით, ვაქცინაცია ქვეყნისა და ერის გადარჩენისთვის აუცილებელი პირობაა. ამის შესახებ მან TV პირველის ეთერში ისაუბრა.

"სხვანაირად ჩვენ საქართველოში ვერ დავამარცხებთ პანდემიას. ახლა არის აზრი ასეთი, საიდან შემოვა, რას შემოვიტანთ. მე ასეთი აზრი მაქვს — ჩინოვნიკები, ვინც არიან ხელისუფლებაში, აჩვენონ რომ თვითონ აიცრნენ. თუ ამას აჩვენებენ, ხალხის ნდობას მოიპოვებენ ამით და გადაწყვეტს მასიურად რომ გაიკეთოს", — განაცხადა მან.

დღეს, თითქმის 1 წლიანი პაუზის შემდეგ, საპატრიარქოში სინოდის სხდომა გაიმართა. სხდომის დასრულების შემდეგ, საპატრიარქოს საზოგადოებასთან ურთიერთობის სამსახურის უფროსმა, ანდრია ჯაღმაიძემ ჟურნალისტებს განუცხადა, რომ ვაქცინაცია ის ერთ-ერთი თემა იყო, რაც იქ განიხილეს.

ამასთან, პანდემიის დაწყებიდან დღემდე, მღვდელმთავრები განსხვავებულ მოსაზრებებს აჟღერებდნენ ვაქცინაციასთან დაკავშირებით. ნაწილი ამტკიცებდა, რომ ის ადამიანების დაჩიპვას ემსახურება და მისი წინააღმდეგი იყო. დანარჩენის განცხადებით კი, ეს არჩევანი ადამიანმა თავად უნდა გააკეთოს. დღეს სინოდის ოქმის გამოქვეყნების შემდეგ, ცნობილი გახდება რა გადაწყვეტილება მიიღო საპატრიარქომ ვაქცინაციასთან დაკავშირებით.

ამავე თემაზე: