მაშინ, როდესაც რამდენიმე თვეა სახლში ხარ ჩაკეტილი, გარეთ პანდემიაა, ხოლო საქმიანი შეხვედრისას მონაწილეები არამეგობრულად იქცევიან და თავს ვერ აკონტროლებენ, რთულია სიმშვიდის შეკავება. მაგრამ, როცა ჯეკი ვეივერი ხარ და უსაზღვრო მოთმინებას ფლობ, შენთვის შეუძლებელი არაფერია.

ყველაფერი 10 დეკემბერს მოხდა, თუმცა ვიდეომ ინტერნეტში "მზის სინათლე" 4 თებერვალს იხილა. საქმე იმაშია, რომ ჩეშირში ქალაქ ჰენდფორსის საბჭოს Zoom-ის შეხვედრა ქაოსში გადაიზარდა — მრჩეველები ერთმანეთს შეურაცხყოფას აყენებდნენ და რამდენიმე მათგანი თათბირიდან გააძევეს კიდეც.

თათბირის გახსნისას, ერთ-ერთმა მრჩეველმა ჩუმად და უმისამართოდ შეიგინა, თუმცა მოვლენები არც ამის შემდეგ განვითარებულა მშვიდობიანად. საბჭოს მდივანმა, შეხვედრის "ჰოსთს", ჯეკი ვეივერის მოსთხოვა, რომ ონლაინ თათბირიდან ისევ არ გაეძევებინათ, როგორც ეს წარსულში მოხდა. მას თავის სახელად "კლერკი" ეწერა და დაძაბულობა მაშინ დაიწყო, როცა ვეივერის თათბირზე ყოფნის მიზეზი მოსთხოვა და "კანონების ცოდნაში" დაავალდებულა:

"მოკეტე და ნუ ცდილობ ის იყო, ვინც არ ხარ!" — ყვირის ის ვიდეოში, მოგვიანებით კი საკუთარი ძალაუფლების აღიარებას მოითხოვს.

ამის შემდეგ, თვითგამოცხადებულმა კლერკმა შეხვედრა არალეგიტიმურად გამოაცხადა.

"შეწყვიტე საუბარი, შენ აქ არანაირი ძალაუფლება გაქვს და ვერც ჩემს გაგდებას შეძლებ შეხვედრიდან", — უყვირის ის ჯეკი ვეივერის.

ამის შემდეგაც ის ვეივერიმ ონლაინ თათბირიდან აუღელვებლად გააძევა, თუმცა ამჯერად ყვირილი სხვა კაცებმა დაიწყეს. როცა ერთ-ერთმა ქალმა მონაწილემ სხვებს ერთმანეთის პატივისცემისკენ მოუწოდა, კაცებმა სიცილი ატეხეს. საბოლოოდ ონლაინ თათბირიდან ვეივერმა ისინი გააძევა.

"მიუღებელი საქციელია, ამ შეხვედრის ჩანაწერი მონიტორინგს გადაეცემა", — ამბობს ვეივერი ვიდეოში.

რადგან შეხვედრის პარალელურად მიკროფონი არავის აქვს გამორთული, მონაწილეების ეკრანებიდან ისმის ტუალეტის ჩარეცხვის ხმები, ტელეფონზე საუბარი, ყვირილი: "აქედან მოშორდი შე სულელო, ვერ ხედავ რომ შეხვედრაზე ვარ?" და ა.შ.

"ის თავს კლერკს უწოდებდა, ასე ეწერა სახელში. მე მინდა ამ შეხვედრაზე ყველამ ბრიტნი სპირსი დამიძახოს", — ხუმრობს ვეივერი მოგვიანებით ვიდეოში.

პანდემიის და ლოქდაუნის პარალელურად, ონლაინ შეხვედრაში გამომჟღავნებული დაძაბულობა ინტერნეტისთვის გულწრფელი და სახალისოც კი აღმოჩნდა და ტვიტერზე ვირუსულად გავრცელდა. ერთ-ერთ ვიდეოს პლატფორმაზე 4.5 მილიონი ნახვა აქვს.

როგორც უკვე მიხვდით, თათბირის გმირი ჯეკი ვივერი გახლდათ. სწორედ ის იყო ზუმის შეხვედრისთვის მიწვეული "ჰოსთიც". ტვიტერის მომხმარებლების აზრით, მან ღირსეულად აიტანა მის მიმართ გამოთქმული უსიამოვნო შეძახილები და პლატფორმის გმირად და მიმების წყაროდაც იქცა.

ტვიტერმა საღამოს ექვს საათზე ინგლისის მასშტაბით მისთვის ტაშის დაკვრაც კი დაგეგმა:

"როგორც პრემიერმა თქვა, 6 საათზე ყველა ვუკრავთ ტაშს ჯეკი ვეივერის, იგივე ბრიტნი სპირსს"

"ჯულის აიპადი, სინი, სიუ და ჯეკი — მიყვარხართ"

იმედია ნეტფლიქსი თქვენზე სერიებს გადაიღებს

ჯეკისთან ბიბისიმ ინტერვიუც ჩაწერა და რჩევები მოისმინა, როგორ შეინარჩუნონ სიმშვიდე და ღირსება ონლაინ თათბირებზე.

საბჭოს წევრები ინგლისის ადგილობრივ მმართველობაში მნიშვნელოვანი პირები არიან და ქუჩების დაგეგმარებაში, რეკრეაციასა და გარემოს დაცვაში გადამწყვეტი როლიც კი ენიჭებათ.