საზოგადოებრივი მაუწყებლის გადაცემა რეალური სივრცის წამყვანმა, ნინო ზაუტაშვილმა არ იცის გავა თუ არა რეალური სივრცე შემდეგ პარასკევს ეთერში. ამის შესახებ მან პარასკევს, 3 თებერვალს გადაცემა რეალურ სივრცეში განაცხადა. ის გადაცემის წამყვანია.

"რეალური სივრცე 5 წლის წლის დავიწყეთ ჩვენ და ის გახდა სივრცე თქვენთვის - მაღაროელებისთვის და მეშახტეებისთვის, ძალადობის მსხვერპლი ქალებისთვის და შეზღუდული შესაძლებლობის მქონე ადამიანებისთვის, გარემოსდამცველებისთვის და მათთვის ვინც კულტურული მემკვიდრეობის გადარჩენისთვის იბრძვის, მოსწავლეებისთვის და სტუდენტებისთვის, უსახლკაროებისთვის, სოფლების და რეგიონების მოსახლეობისთვის. მეხუთე წელია ყოველ პარასკევს მომავალ პარასკევამდე გემშვიდობებოდით. დღეს პირველად დაზუსტებით ვერ ვამბობთ ამას. ბოლო სამი დღეა ტელევიზიის დერეფნებში, სოციალურ ქსელებში, ქუჩაში და სატელეფონი ზარებით გვესმის კითხვები გაგრძელდება თუ არა თქვენი რეალური სივრცე," - განაცხადა ზაუტაშვილმა და მაყურებელს ვიდეოკოლაჟი შესთავაზეს, რომელიც გადაცემის სხვადასხვა ეპიზოდებისგან იყო დამზადებული.

ზაუტაშვილის თქმით, როგორც არ უნდა განვითარდეს მოვლენები, რეალური სივრცის გუნდი გააგრძელებს მუშაობას.

"დღეს ჩვენ უბრალოდ გემშვიდობებით და ველოდებით ორშაბათს," - დასძინა რეალური სივრცის წამყვანმა.

დღეს კოალიცია მედიის ადვოკატირებისთვის საზოგადოებრივ მაუწყებელზე მიმდინარე პროცესებს გამოეხმაურა. მათთვის ცნობილი გახდა, რომ საზოგადოებრივი მაუწყებლის მენეჯმენტმა მიიღო გადაწყვეტილება გადაცემა რეალური სივრცის დახურვის შესახებ. ასევე იგეგმება მაუწყებლის სხვა საზოგადოებრივ-პოლიტიკური გადაცემების დახურვა და თანამშრომლების მასობრივი დათხოვნა.