ეროვნულ-დემოკრატიული ისნტიტუტის (NDI) კვლევის თანახმად, მოსახლეობის 31 პროცენტი აცხადებს, რომ მათ შეხედულებებთან ყველაზე ახლოს ქართული ოცნება დგას, 25 პროცენტი კი ამბობს, რომ არცერთი პარტია, 5%-ის განცხადებით — ნაციონალური მოძრაობა, 9%-ის განცხადებით — სხვა პარტიები, ხოლო 24 პროცენტი პასუხზე უარს ამბობს.

ფოტო: NDI

NDI-ს კვლევა 2020 წლის 17-24 დეკემბრის პერიოდში ჩატარდა. სატელეფონო ინტერვიუს გზით ქვეყნის მასშტაბით 2 053 სრულწლოვანი ადამიანი გამოიკითხა (ოკუპირებული ტერიტორიების გამოკლებით). რესპონდენტები მარტივი შემთხვევითი შერჩევის გზით — შემთხვევით ნომერზე დარეკვის მეთოდით შეირჩნენ. ინტერვიუები ჩატარდა ქართულ, აზერბაიჯანულ, სომხურ და რუსულ ენებზე.

კვლევის საშუალო ცდომილების ზღვარი +/- 1,1%-ია. NDI-ში განმარტავენ, რომ ახალი მონაცემების კვლევის წინა ტალღებთან შედარებისას გასათვალისწინებელია, რომ ინტერვიუს მეთოდის ცვლილება შესაძლოა ცდომილებაზე აისახოს.