ერთიანი ნაციონალური მოძრაობის წევრი სალომე სამადაშვილი ევროპარლამენტის მიერ საქართველოს ვიზალიბერალიზაციისადმი მხადაჭერას ეხმაურება და აცხადებს, რომ კონსტიტუციაში საგარეო მიმართულება უნდა დაფიქსირდეს.

საპარლამენტო უმცირესობის ლიდერის განცხადებით, ვიზალიბერალიზაციასთან დაკავშირებული პროცესები ნაციონალურმა მოძრაობამ 2006 წელს დაიწყო:

"როცა ეს პროცესი დავიწყეთ, ბევრი ადამიანი სრულიად სკეპტიკურად უყურებდა ამ პროცესს, არ სჯეროდა ამის რეალობად ქცევის, ისევე, როგორც დღეს ბევრი ადამიანი სკეპტიკურად უყურებს საქართველოს ევროკავშირის სულუფლებიან წევრად ქცევას.

როდესაც არის ამის შესაბამისი პოლიტიკური ნება, არ არსებობს არცერთი ამოცანა, რომლის განხორციელებაც შეუძლებლია. ამიტომ, მოვუწოდებ საქართველოს ხელისუფლებას, დროა ამბიციურად შეხედოთ ამ ქვეყნის ევროპულ მომავალს და შექმნათ შეუქცევადი ევროპული მომავალი, თუ რა თქმა უნდა, მართლაც მხარს უჭერთ ევროინტეგრაციისკენ მიმართულ საგარეო კურსს".