როგორც წესი, პირველ პაემანზე ყველა ვნერვიულობთ, რადგან გვინდა, ყველაფერი სრულყოფილად წარიმართოს: აი, ისე, წლების შემდეგ ამ დღეს სიამაყით რომ გავიხსენებთ.

თუმცა ხშირ შემთხვევაში სულ პირიქით ხდება ხოლმე და ყველაფერი დაგეგმილის საწინააღმდეგოდ ვითარდება. სწორედ მსგავსი გამოცდილებების გასაზიარებლად ცნობილმა კომიკოსმა ჯიმი ფელონმა ტვიტერზე ყველას მოუწოდა, რომ ერთი ჰეშთეგის ფარგლებში #WorstFirstDate (საშინელი პირველი პაემანი) პირადი ისტორიები მოეყოლათ.

ახლა სწორედ ამ გამოწვევის ყველაზე უცნაურ, სასაცილო, უიღბლო და დაუვიწყარ შემთხვევებს გაგიზიარებთ:

1. "ინტერნეტში გაცნობის შემდეგ მშვენიერ პაემანზე ვიყავი და დროს შესანიშნავად ვატარებდით, როცა მან მოულოდნელად აღმოაჩინა, რომ მობილურზე 15 გამოტოვებული ზარი ჰქონდა შემოსული: დედამისს გუგლის საშუალებით ჩემზე პატარა გამოძიება ჩაუტარებია და გაურკვევია, რომ ის, ვისაც პაემანზე შევხვდი, ბიძაშვილად მერგებოდა"

ფოტო: Giphy

2. "მანქანაში ველოდებოდი მომავალ პარტნიორს პაემანზე, როცა მოხუცმა წყვილმა მთხოვა, რომ სახლამდე მისვლაში დავხმარებოდი. ამ დროს ისიც მოვიდა და მათ უთხრა, რომ "რა თქმა უნდა", დავეხმარებოდით. ასე მივიყვანეთ წყვილი სასურველ ადგილას და გვთხოვეს, რომ მათთან სახლში შევსულიყავით. იმან ამაზეც თანხმობა განაცხადა: "რა თქმა უნდა!". ამ დროს მივუბრუნდი და ვკითხე, თუ რატომ უნდოდა უცხოებთან დროის გატარება და უფრო გაოცებულმა მიპასუხა: "ჯანდაბა! შენ რა, მათ არ იცნობ?"

ფოტო: Tenor

3. "პაემანზე მხოლოდ ერთ რამეზე საუბრობდა: ომზე — როგორი ამაყია, რომ მისმა ქვეყანამ ერთი კონკრეტული ქვეყანა დაიპყრო და ა.შ. გამოიცანით, ვისი ქვეყნის დაპყრობაზე იყო საუბარი? ჩემი"

ფოტო: Giphy

4. "პაემნის დღეს სტომატოლოგთან ვიყავი კბილების დასაბჟენად. ექიმი დამპირდა, რომ ანესთეზია მალევე გაივლიდა, თუმცა ასე არ მოხდა. პაემნის გაუქმება კიდევ ასეთი უცნაური მიზეზის გამო არ მინდოდა, ზედმეტად დაუჯერებლად ჟღერდა. ჰოდა, შევხვდი და ვიჯექი მის პირისპირ ისე, რომ პირის ერთი ნაწილი ჩამოვარდნილი მქონდა. ახლა ჩვენ დაქორწინებულები ვართ!"

ფოტო: Gfycat

5. "მეგობრებმა გადაწყვიტეს, რომ ბრმა პაემანი მჭირდებოდა. ასე აღმოვჩნდი ჩემი ბინის მეპატრონესთან, რომლისთვისაც ერთი თვის ქირის გადახდა დაგვიანებული მქონდა"

ფოტო: Giphy

6. "სანამ თავის მანქანაში ჩაჯდომის უფლებას მომცემდა, მანამდე მაისურსა და შარვალზე ბეწვის საწმენდი ჩამომატარა"

ფოტო: Giphy

7. "პაემანზე მომხიბვლელმა კაცმა მითხრა, რომ ოთხ ენაზე საუბრობს: აქედან ერთ-ერთი "მათემატიკა" იყო... შემდეგ კითხვების დასმა დამიწყო ჩემს გერმანულ წარმოშობასთან დაკავშირებით, რადგან უნდოდა, დარწმუნებულიყო, რომ ქერათმიანი და ცისფერთვალება არიული რასის შვილები ეყოლებოდა..."

ფოტო: Tenor

8. "პაემანზე კინოში წავიყვანე და როცა სასმლისა და ხემსის თანხა გადავიხადე, უკან დასაბრუნებელი ხურდის ასაღებად ხელი თვითონ გაიწოდა და ფულიც ჯიბეში ჩაიდო. მეორე პაემანზე კაფეში ჩაის თანხა დავტოვე, მან კი ესეც აიღო და ჩანთაში გადაუძახა. მესამე პაემანი აღარ ყოფილა"

ფოტო: Giphy

9. "პირველ პაემანზე მკითხა, თუ როგორ მინდოდა, რომ მოვმკვდარიყავი. ვუთხარი, რომ ვისურვებდი, ეს ძილში მომხდარიყო, რაზეც მიპასუხა, რომ ეს საკმარისად საშინელი არ არის"

ფოტო: Giphy

10. "კინოში გვქონდა პაემანი დაგეგმილი. ფილმის დაწყებიდან ხუთი წუთით გვიან მივედი და აღმოჩნდა, რომ ვერ მოითმინა, ბილეთი იყიდა და უჩემოდ შევიდა კინოთეატრში. ასე ვიყავით ერთ კინოსეანსზე, ოღონდ სხვადასხვა ადგილებზე ვისხედით და როცა ფილმი დასრულდა, ხელის ჩამორთმევით დავემშვიდობეთ უბრალოდ ერთმანეთს"

ფოტო: Giphy

11. "თავის ძაღლთან ერთად გადაღებულ ფოტოს მაჩვენებდა, როცა ვკითხე, თუ რატომ ეცვა ასეთი ზედმეტად დახვეწილი კოსტიუმი ფოტოში და დავცინე. აღმოჩნდა, რომ ეს ფოტო დედამისის გასვენების დღეს გადაიღო"

ფოტო: Giphy

12. "ერთი ტიპი თვეების განმავლობაში მთხოვდა, რომ პაემანი გვქონოდა და როცა საბოლოოდ დავთანხმდი, დედასთან ერთად მოვიდა"

ფოტო: Giphy