ნახეთ: გაცრეცილ და ფერად ფოტოებზე ასახული ბათუმი

ბათუმი, რომელიც აჭარის რეგიონის დედაქალაქი და ქვეყნის სიდიდით მეორე დასახლებაა, საქართველოს ტერიტორიაზე ერთ-ერთი უძველესი ქალაქიცაა და ამ ხნის განმავლობაში მკვეთრად იცვალა, როგორც იერსახე, ასევე არქიტექტორული ტენდენციები. მიუხედავად ამისა, ძველი ბერძნები, რომლებმაც სახელიც უბოძეს ქალაქს, ძნელად თუ იცნობდნენ მის სანაპიროს დღეს, როცა შავი ზღვიდან ბათუმის ხედი ამერიკული მეგალოპოლისის შთაბეჭდილებას ტოვებს.

იმის გათვალისწინებით, რომ ბათუმი ოდითგანვე საზღვაო ვაჭრობისთვის მნიშვნელოვანი წერტილი იყო, ქალაქის ისტორიული სახის ცვლილებაზე არაერთმა კულტურულმა რეალიამ და გამოცდილებამ მოახდინა გავლენა. მცირე აზიის ნახევარკუნძულთან სიახლოვემ და მჭიდრო კავშირმა მის მოსახლეებთან, ისევე, როგორც ევროპულ ქვეყნებთან პირდაპირმა ურთიერთობამ, ბათუმის უნიკალური ხასიათი განსაზღვრა — მიუხედავად იმისა, რომ დღევანდელ ბათუმში ძნელია, თქვა, რომელი კულტურული ეპოქის ზეგავლენა ჭარბობს, ადვილი შესამჩნევი არის ერთი რამ — იგი არცერთ სხვა ქალაქს არ ჰგავს.

რამ ჩამოაყალიბა უნიკუმი — ამის თვალსაჩინო მტკიცებულება ფოტოებია. ინტერნეტსივრცეში გაცრეცილი შავ-თეთრი და ჭყარტალა ფერავოდნებით სავსე სურათები არსებობს, რომლებიც ზღვისპირა ქალაქის შორეულ და ახლო წარსულის ცხოვრებას ჰყვება.