რუსთავში, სუპერმარკეტ ლიბრეში ორი კაცი შეიჭრა. შემთხვევა 14 იანვარს, გვიან ღამით მოხდა. ერთ-ერთმა მოლარე-კონსულტანტ ქალს ფიზიკური შეურაცხყოფა მიაყენა. არსებული ინფორმაციით, მაღაზიიდან თანხა წაღებული არ არის და მომხდარი, სავარაუდოდ, პირადი ანგარიშსწორების გამო მოხდა.

შინაგან საქმეთა სამინისტროში On.ge-ს განუცხადეს, რომ გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს.