ჩინელმა ახალდაქორწინებულებმა პირველ ღამეს კონსტიტუცია გადაწერეს

ახალდაქორწინებულებმა, ლი იუნპენმა და ჩენ შუანშიმ ქორწინების პირველი ღამე არარომანტიკულად გაატარეს.

წყვილმა, კომუნისტური პარტიისა და პრეზიდენტი სი ძინპინის ადამინისტრაციის მხარდასაჭერად, ჩინეთის 17 ათას სიტყვიანი კონსტიტუცია წიგნიდან ფურცელზე გადაწერა.

ცოლ-ქმარი ნანჩანის სარკინიგზო ბიუროში მუშაობს. ინფორმაცია მათი პირველი ღამის შესახებ მათმა დამსაქმებელმა გაავრცელა. "მათ ლამაზი მოგონების შექმნა უნდოდათ", წერს ბიუროს ოფიციალური გვერდი ჩინურ სოციალურ ქსელ Weibo-ში.

წყვილის გადაწყვეტილება ჩინეთში მიმდინარე ნაციონალურ კამპანიას უკავშირდება. 2016 წლის მარტში ქვეყანაში "ნაციონალური განათლების კამპანია" დაიწყო, რომლის მიზანიც კომუნისტური პარტიის კონსტიტუციის, წესებისა და კანონების და მისი ლიდერის, სი ჯინპინის, სახალხო გამოსვლებისას წარმოთქმული სიტყვების პოპულარიზაციაა.