შინაგან საქმეთა სამინისტროში აცხადებენ, რომ 41 წლის შვილის მკვლელობის ბრალდებით 62 წლის ქალი დააკავეს. დანაშაული 13-დან 17 წლამდე ვადით თავისუფლების აღკვეთას ითვალისწინებს.

გამოძიების ინფორმაციით, თავიანთ საცხოვრებელ სახლში ბრალდებულმა ქალმა შვილს ურთიერთშელაპარაკების ნიადაგზე, ცივი იარაღის გამოყენებით სხეულზე სასიკვდილო დაზიანება მიაყენა. დაჭრილი კაცი ადგილზე გარდაიცვალა.

ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის საქმეზე გამოძიება სისხლის სამართლის კოდექსის 109-ე მუხლის მე-2 ნაწილის "ვ" ქვეპუნქტით მიმდინარეობს.