ნაციონალური მოძრაობის თავმჯდომარის, ნიკა მელიას განცხადებით, არჩევნების პროცესში პარტიაში ყველაფერი "წესრიგში" არ იყო. მისი თქმით, არ შეიძლება პარტია 5 ადგილიდან იმართებოდეს და საბოლოო ჯამში, არ იცოდე, ვინ არის რეალურად პასუხისმგებელი.

"რამდენიმე მართვის და გავლენის ცენტრი იყო, რამაც კარგი როლი არ შეასრულა ნაციონალური მოძრაობისთვის. კიდევ კარგად ავიღეთ გაყალბების პირობებში ის ხმები, რომელიც ავიღეთ. არ შეიძლება პარტია იმართებოდეს 5 ადგილიდან, ან 4 ადგილიდან და საბოლოო ჯამში, არ იცოდე ვინ არის რეალურად პასუხისმგებელი. ეს, მათ შორის, ჩემი ბრალეულობაც არის, მაგრამ მე ვარჩიე კონფლიქტის გაღვივებას, რომელიც კოლაფსით დასრულდებოდა — ბევრ რაღაცაზე ხმა რომ ამომეღო არჩევნებამდე, ბიძინა ივანიშვილის წისქვილზე დაესხემბოდა წყალი", — განაცხადა მან ფორმულას ეთერში.

27 დეკემბერს ნიკა მელია პარტიის თავმჯდომარედ დაამტკიცეს. ენმ-ს პარტიის თავმჯდომარის პოსტი ვაკანტური მას შემდეგ გახდა, რაც ნაციონალური მოძრაობის თავმჯდომარემ, გრიგოლ ვაშაძემ პარტია 15 დეკემბერს დატოვა. ვაშაძემ ნაწილობრივ ისაუბრა წასვლის მიზეზებზეც. მან აღნიშნა რომ, არ ეთანხმება პარტიის ხელმძღვანელობის უმრავლესობის მიერ პარტიის წევრებთან კონსულტაციების გარეშე არჩეულ ტაქტიკას. მისივე თქმით, მისთვის კიდევ უფრო მიუღებელია პარტიული სტრატეგიის არარსებობა. ეს კი მხოლოდ ქართულ ოცნებას აძლევს ხელს.

გაიგეთ მეტი: