ნაციონალური მოძრაობის ერთ-ერთი ლიდერის ზაალ უდუმაშვილის თქმით, ოპოზიციის წარმომადგენლებმა პარლამენტში ხელფასების მოთხოვნა შესაძლოა იმიტომ გააკეთეს, რომ ეს ფული ქველმოქმედებაში უნდა დახარჯონ ან კოვიდ ფონდში გადარიცხონ.

"დაასახელონ სახელები, ხო აქვთ რეკვიზიტები თქვან — აი ამა და ამ დეპუტატებმა მოითხოვა ხელფასის ჩარიცხვა, შემდეგ ის პოლიტიკოსი გასცემს პასუხს. შესაძლოა ვიღაცამ მოითხოვა ოღონდ კონკრეტული მიზნისთვის. დავუშვათ ვიღაცას საქველმოქმედო მიზნისთვის უნდა ან ვიღაცამ გადარიცხოს კოვიდ ფონდში. მე არამგონია ოპოზიციიდან რომელიმე დეპუტატმა ამ ფულს ხელი მოკიდოს. ეს მორიგი ფანტაზიის უნარია ქართლი ოცნების", — ამბობს უდუმაშვილი.

დღეს ირაკლი კობახიძემ განაცხადა, რომ ზოგიერთმა ოპოზიციონერმა პარლამენტს ანაზღაურებაზე მიმართა, რაც კარგია და ჩანს, რომ ოპოზიციის ნაწილს პარლამენტში შემოსვლის სურვილი ნამდვილად აქვთ.