დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოს პრემიერმინისტრის, გიორგი გახარიას განცხადებით კორონავირუსის ტესტებზე მიმართვიანობა საკმაოდ დაბალია. იგი მოქალაქეებს მოუწოდებს, რომ ყველაზე მარტივი სიმპტომების შემთხვევაში, ან უსიმპტომოდაც ჩაიტარონ ტესტი და დააზღვიონ ოჯახის წევრები.

"მინდა იცოდეთ, რომ დღეს ქვეყანაში არის შესაძლებლობა, ყოველდღიურად ვაკეთოთ 20 ათასი ტესტი. მიუხედავად ამისა, მომართვიანობა საკმაოდ დაბალია. მე მინდა ჩვენს მოქალაქეებს მოვუწოდო, მაქსიმალურად, ვისაც ამის არა მხოლოდ საჭიროება აქვს, ყველაზე მარტივი სიმპტომების პირობებში, უსიმპტომოდაც შეუძლია მივიდეს და ტესტი გაიკეთოს, იმისთვის, რომ გადავაზღვიოთ როგორც ჩვენი ოჯახის წევრები, ახლობლები, ასევე, მივეხმაროთ ქვეყანას სწრაფი ეკონომიკური აღდგენისთვის", — განაცხადა გახარიამ.

29 დეკემბრის მონაცემებით, ბოლო 24 საათის განმავლობაში გამოვლენილია ვირუსით ინფიცირების 2 012 ახალი დადასტურებული შემთხვევა. გამოჯანმრთელდა 2 638 პირი, ხოლო გარდაიცვალა — 25.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: