სტრატეგია აღმაშენებლის ლიდერის, გიორგი ვაშაძის განცხადებით, კობახიძის შემოთავაზება, არის მცდარი სტრატეგიის გადახედვის რეალური შედეგი. ამის შესახებ მან პალიტრანიუსის ეთერში განაცხადა.

"მე ვფიქრობ, ეს არის აბსოლუტურად მცდარი სტრატეგიის გადახედვის რეალური შედეგი. არასწორი იყო სტრატეგია და ამაზე ჩვენმა ფასილიტატორებმაც განაცხადეს, რომ შეთანხმებაზე როცა საუბრობ და მოლაპარაკებებში ხარ, კიდევ დაამძიმო ვითარება, ასეთი, ტიპის ინიციატივებით, რომელიც არადემოკრატიულია, რა თქმა უნდა, არასწორია. შესაბამისად, ეს გამოსავალი იქნა მოძიებული, რომ გადაეგზავნება ეუთოს და ვენეციის კომისიას და იქნება შესაბამისი დასკვნები. ჩემი აზრით, ნეგატიური დასკვნები იქნება", — ამბობს ვაშაძე.

დღეს ქართული ოცნება ინიციატივით გამოვიდა და თქვა, რომ შესაძლოა პარტიების დაფინანსების და საარჩევნო რეგისტრაციის გაუქმების შესახებ ცვლილებები ოდირს და ვენეციის კომისიას გადაეგზავნოს.