ნაციონალური მოძრაობის ერთ-ერთი ლიდერის, ხატია დეკანოიძის განცხადებით, პარლამენტს ლეგიტიმაცია ავთანდილ ენუქიძის შესვლით არ მიენიჭება.

"მთავარი ძალები ოპოზიციის პლატფორმაზე ვართ ერთიანი იმ საკითხთან დაკავშირებით, რომ ლეგიტიმაცია არ უნდა მივანიჭოთ პარლამენტს. ახლა ბატონი ენუქიძე შევა თუ არა, რა თქმა უნდა, პარლამენტს ამით ლეგიტიმაცია არ მიენიჭება", — განაცხადა დეკანოიძემ.

პატრიოტთა ალიანსის სიის მე-4 ნომერი, ავთანდილ ენუქიძე საპარლამენტო მანდატზე უარს არ ამბობს. On.ge-ს მან განუცხადა, რომ მანდატს არ ტოვებს და როდის შევა პარლამენტში, ამას გადაწყვეტს.