რესტორატორთა ასოციაციის ვიცე პრეზიდენტის, შოთა ბურჯანაძის თქმით, სარესტორნო ბიზნესში დასაქმებული პროფესიონალები, რომლებიც შეზღუდვების გამო სამსახურის და შესაბამისად, შემოსავლის გარეშე დარჩნენ, ქვეყნიდან მიდიან.

"ამ ხალხის დიდი უმრავლესობა უკვე გავიდა, ან გასვლას აპირებს უცხოეთში. ის ხალხი, რომლებიც პროფესიონაელბი არიან, გაიზარდნენ და ჩვენ გავზარდეთ ეს სფერო, ამ შემთხვევაში დავკარგავთ პროფესიონალებს. ეს ვითარება, რა ვითარებაც ვთქვათ 15 წლის [წინ] გვქონდა, სადაც დანა-ჩანგლის დადება და რომელი მხრიდან დადგეს სტუმართან, როგორ მოემსახუროს თანამშრომელი, ეს აღარ ეცოდინება ადამიანებს. ის ჩამოსული სტუმარი, რომელიც მიჩვეულია რაღაც სერვისს, ეს სერვისიც რომ არ დახვდება, მარტო ლესელიძეზე დადგეს, დატრიალდეს და მთელი თბილისი ამით ნახოს, კმაყოფილი ვერ იქნება", — განაცხადა შოთა ბურჯანაძემ.

მისი ინფორმაციით, სარესტორნო სფეროში 300 ათასი ადამიანია დასაქმებული და სექტორის წლიური ბრუნვა 3,5 მილიარდი დოლარია.

"თანხა შეიძლება მოიძიო და დახმარება მისცე ადამიანებს, მაგრამ, 300 ათასი ადამიანი რომ უმუშევრად რჩება, ეს უდიდესი პრობლემაა", — ამბობს შოთა ბურჯანაძე.

საკოორდინაციო საბჭოს გადაწყვეტილებით, რესტორნები და კვების ობიექტები ქვეყნის მასშტაბით აგრძელებენ მუშაობას მხოლოდ გატანის სერვისზე.

გაიგეთ მეტი: