თავდაცვის მინისტრობის კანდიდატის, ირაკლი ღარიბაშვილის განცხადებით, 2021 წელს ჯაველინის დამატებითი პარტიის შეძენა იგეგმება. ამის შესახებ მან პარლამენტში, გაერთიანებული კომიტეტების სხდომაზე სიტყვით გამოსვლისას განაცხადა.

"მოგეხსენებათ, რომ გასულ წლებში თავდაცვის ძალებმა მიიღო ჯაველინის ერთი პარტია. 2021 წელს, ჩვენს სტრატეგიულ პარტნიორთან თანამშრომლობით იგეგმება დამატებითი პარტიის შეძენა. ჯავშანსაწინააღმდეგო საშუალებების გაზრდის მიზნით, დაგეგმილია ახლო რადიუსის თანამედროვე ტანკსაწინააღმდეგო საშუალებების შეძენა", — განაცხადა ღარიბაშვილმა.

მისივე თქმით, 2021 წელს დასრულდება ჯარის აღჭურვა NATO-ს სტანდარტების M-4 ტიპის შაშხანებით, თანამედროვე ტყვიამფრქვევებით, ყუმბარმტყორცნებით და სხვა საშუალებებით.

ღარიბაშვილმა, ასევე, დააანონს ოპერატიული და ტაქტიკური უპილოტო სადაზვერვო და საბრძოლო დრონების შეძენაც.