მანანა კობახიძე მიიჩნევს, რომ მიწის გასხვისება უცხო ქვეყნის მოქალაქეებზე საფრთხის შემცველია:

"უკონტროლოდ, აბსოლუტურად ყოველგვარი რეგულაციების გარეშე, პირდაპირ დავუშვათ ჩვენი სასოფლო სამეურნეო მიწების გასხვისება უცხოელებზე, ვფიქრობ, საფრთხის შემცველია."

კობახიძეს ეთანხმება კობა ნარჩემაშვილიც და მისივე თქმით, ჯგუფში არსებული უმრავლესობა:

"ჯგუფში უმრავლესობის მოსაზრება ემხრობა იმას, რომ შემოვიღოთ იმგვარი რეგულაციები, სადაც მიწის არა რეზიდენტ პირებზე გასხვისება, საკუთრების აბსოლუტური უფლებით არის აკრძალული."

კონსტიტუციაში, უცხო ქვეყნის მოქალაქეებისთვის მიწების გასხვისების შესახებ რეგულაციაზე ჩანაწერის გაკეთებაზე საკონსტიტუციო კომისიამ დღეს გამართულ სხდომაზე იმსჯელა.

კობა ნარჩემაშვილი პარლამენტის დეპუტატია ქართული ოცნების სიით.

რაც შეეხება ქართული ოცნების წევრს, მანანა კობახიძეს, მისი კანდიდატურა ფრაქცია ქართულმა ოცნებამ საკონსტიტუციო სასამართლოს მოსამართლის პოსტზე წარადგინა.