შრომის ინსპექციის დეპარტამენტის უფროსის, ბექა ფერაძის განცხადებით, 28 ნოემბრიდან 15 დეკემბრის ჩათვლით, ჯამში 31 543 ობიექტი შემოწმდა, რომელთაგან 21 110-ზე გაიცა რეკომენდაცია, ხოლო 6 018 ობიექტს შეუჩერდა საქმიანობა.

"ბოლო 24 საათის მანძილზე 195 ობიექტი შემოწმდა, ზეპირსიტყვიერი გაფრთხილება გაიცა 119 ობიექტზე, პირველადი ინსპექტირება განცხორციელდა პროტოკოლით გათვალისწინებულ მოთხოვნებთან დაკავშირებით 45 ობიექტზე და დადგინდა რომ აკმაყოფილებდნენ მოთხოვნებს. ასევე, 31 ობიექტზე მონიტორინგი განხორციელდა, რითაც დადგინდა, რომ აკმაყოფილებდნენ მოთხოვნებს", — განაცხადა მან.

კორონავირუსის შედეგად გამოწვეული მძიმე ეპიდემიოლოგიური სიტუაციის გამო, საკოორდინაციო საბჭომ დააწესა გარკვეული შეზღუდვები, რომელიც ეხება ბიზნესს, სავაჭრო ცენტრებს, საბითუმო ვაჭრობას და სხვა არაერთ სფეროს.