დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, მომავალი ორი კვირის განმავლობაში იქნება სიკვდილიანობის მაჩვენებლის მომატებული რაოდენობა, რაც მანამდე ინფიცირებულთა მაღალი რიცხვით არის განპირობებული.

"ჩვენ მომავალი ორი კვირა გვექნება გაზრდა სიკვდილიანობის მაჩვენებლის, იმიტომ, რომ საკმაოდ დიდი რაოდენობა ადამიანების არიან კრიტიკულ მდგომარეობაში, დაახლოებით 400-მდე, ხელოვნურ ვენტილაციაზე, რომლებიც არიან კრიტიკულად მძიმე და ყველაფერი კეთდება მათი სიცოცხლის გადასარჩენად. მაგრამ როგორც ხედავთ, სტატისტიკიდან ჩვენ გვაქვს სიკვდილიანობის ზრდა, რომელიც მოსალოდნელი იყო, რომ სიკვდილიანობა როგორც წესი 2-3 კვირით ინაცვლებს, როცა იზრდება ხოლმე ინფიცირების მაჩვენებელი", — ამბობს გამყრელიძე.

14 დეკემბრის მონაცემებით, საქართველოში კორონავირუსის 1 337 ახალი შემთხვევა გამოვლინდა და გარდაიცვალა კიდევ 49 ადამიანი. ამასთან, გამოჯანმრთელდა — 3 498 პაციენტი.

ვირუსის დაფიქსირებიდან დღემდე გამოვლენილია 196 063 შემთხვევა. მათ შორის, გამოჯანმრთელებულია 161 681, ხოლო გარდაცვლილია — 1 839 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: