წინასაახალწლო პერიოდი განსაკუთრებით დატვირთულია სარეკლამო შეთავაზებებით, ფასდაკლებებით და აქციებით. დღის მანძილზე სხვადასხვა არხში მრავალი ბრენდის კომუნიკაციას ვაწყდებით, რომელიც ცდილობს დაგვაინტერესოს თავისი პროდუქტით.

ციფრულმა ბანკმა სფეისმა განსხვავებული მიდგომა აირჩია, იმის ნაცვლად, რომ ყველასთვის საერთო აქცია შეეთავაზებინა, გადაწყვიტა, სათითაოდ ეკითხა მომხმარებლისთვის, რისი შეძენა სურს საახალწლოდ. 21 დეკემბერს, ყველა ინდივიდუალურ, თავისი სურვილის შესაბამის შეთავაზებას მიიღებს სფეისისგან.

"როდესაც თავს შენი მომხმარებლის ადგილას აყენებ, ხვდები რომ, შეიძლება დაიღალო და დაიბნე იმ სარეკლამო მესიჯებით, რომელიც წინასაახალწლოდ თავზე გეყრება. ამიტომ, ჩვენ პირდაპირ ვეკითხებით სფეისელებს, თავად რისი ყიდვა უნდათ საახალწლოდ და როგორც კი კონკრეტულ სურვილს ვიღებთ, ჩვენი გუნდი იწყებს მუშაობას ჩვენი პარტნიორებისგან საუკეთესო შეთავაზების მოსაპოვებლად", — ამბობს სფეისის პროდუქტების კომუნიკაციის მენეჯერი მარიამ ფირცხალაიშვილი.

როგორ უნდა გამოვაგზავნო სურვილი?

შევქმენით ცალკე გვერდი, სადაც თვალს გადაავლებ ჩვენი იმ პარტნიორი ონლაინ მაღაზიების სიას, საიდანაც შეგიძლია სასურველი ნივთის შერჩევა. შემდეგ ამ კონკრეტული ნივთის ბმულს და საკონტაქტო ინფორმაციას გვიტოვებ ამავე გვერდზე და ჩვენ მაშინვე ვიწყებთ მუშაობას, რომ საშენო შეთავაზებით დაგიბრუნდეთ.

რა შემთხვევაში შევძლებ ამ შეთავაზებით სარგებლობას?

აქცია ვრცელდება ნებისმიერ ადამიანზე, ვინც უკვე არის სფეისელი ან ამ აქციის ფარგლებში გადმოწერს ჩვენს აპლიკაციას და დარეგისტრირდება. საკმარისია, სურვილების სიაში დაგვიტოვო საკონტაქტო ინფორმაცია, სასურველი ნივთის ბმული და 21 დეკემბერს ჩვენგან მიღებული შეთავაზებით ნივთი სფეის განვადებით შეიძინო. შეგიძლია ისარგებლო სამთვიანი ეფექტური 0%-იანი განვადებით, ანუ ნივთის ღირებულება გაყო სამ ტოლ ნაწილად და არ გადაიხადო არც ერთი თეთრით მეტი.

რატომ აირჩიეთ ეს გზა?

ზოგადად სფეისში გვაქვს მიდგომა, რომ მომხმარებელი არის ჩვენი ბრენდის თანაშემქმნელი. მაქსიმალურად ვცდილობთ თითოეული პროდუქტი და ფუნქცია მათი უკუკავშირის მიხედვით შევქმნათ და დავხვეწოთ. იმდენად მივეჩვიეთ მათთვის კითხვების დასმას, რომ ამ შემთხვევაშიც, როდესაც ვფიქრობდით, რა შეგვეთავაზებინა სფეის განვადებისგან საახალწლოდ, ვთქვით, რომ საუკეთესო გზა იქნებოდა, სათითაოდ გვეკითხა და ინდივიდუალური აქციები გაგვეკეთებინა ყველასთვის. ყველა მეგობრისთვის ხომ სათითაოდ ვარჩევთ საჩუქარს, ერთი და იმავეს ხომ არ ვჩუქნით მთელს სამეგობროს. სფეისელებსაც ასე მივუდექით.

სურვილების გაგზავნა შესაძლებელია 16 დეკემბრის ჩათვლით, ხოლო ინდივიდუალურ შეთავაზებას 21 დეკემბერს უნდა დაელოდოთ.