ქართული ოცნების აღმასრულებელმა მდივანმა, ირაკლი კობახიძემ განაცხადა, რომ ქართული ოცნება მზადაა მოლაპარაკების მაგიდასთან დასაბრუნებლად, თუმცა ამისთვის, პირველ რიგში, უცხოეულ პარტნიორებთან დასჭირდებათ კონსულტაცია. რაც შეეხება კონსულტაციებს, მისი თქმით, იმ ფორმატზე იქნებიან თანახმა, რა ფორმატსაც ფასილიტატორები შესთავაზებენ.

"ჩვენ მზად ვართ, მაგრამ, პირველ რიგში, დაგვჭირდება კონსულტაციები ჩვენს პარტნიორებთან, ჩვენს უცხოელ პარტნიორებთან. ჩვენ მზად ვართ კონსულტაციებისთვის იმ ფორმატში, რა ფორმატსაც შემოგვთავაზებენ ფასილიტატორები", — განაცხადა კობახიძემ.

დღეს, 11 დეკემბერს პარლამენტში მე-10 მოწვევის სხდომა მიმდინარეობს, რომელშიც მხოლოდ ქართული ოცნება იღებს მონაწილეობას. სხდომაზე ასევე არიან მიწვეული პრეზიდენტი, პატრიარქი და დიპლომატები. პატრიარქის ნაცვლად, სხდომას მისი მოსაყდრე, შიო მუჯირი ესწრება.

სხდომის პარალელურად, მოსწავლე ახალგაზრდობის სასახლის ეზოში შეკრებილმა ოპოზიციის ნაწილმა მანდატებზე უარი თქვა და ხელი მოაწერა საერთო მემორანდუმს ბოიკოტის შესახებ.