საქართველოს მე-10 მოწვევის პარლამენტის სხდომაზე, რომელსაც მხოლოდ ერთი პარტია, ქართული ოცნება ესწრება, საკანონმდებლო ორგანოს ახალი თავმჯდომარე აირჩიეს. პარლამენტის თავმჯდომარე ამჯერადაც არჩილ თალაკვაძე იქნება. მან 86 დეპუტატის მხარდაჭერა მიიღო.

დღეს მე-10 მოწვევის პარლამენტი პირველად შეიკრიბა, თუმცა ოპოზიციის გარეშე. ბარიარგადალახულმა ყველა პარტიამ, ამ დროისთვის, საკანონმდებლო ორგანოში შესვლაზე უარი განაცხადა. ისინი არჩევნების შედეგებს გაყალბებულად მიიჩნევენ და არ აღიარებენ.